Kolhapur News : यवलूज-पोर्ले (ता. पन्हाळा) दरम्यान कासारी नदीवरील बंधाऱ्याचे पाटबंधारे विभागाने बरगे अद्याप न घातल्यामुळे नदीचे पात्र जागोजागी कोरडे पडू लागले आहे. यामुळे कृषी पंपाने पाणी उपसा करताना अडचणी येत आहेत.
परिणामी या बंधारा लाभ क्षेत्रातील चौदा गावांत ऐन रब्बी हंगामात सिंचनासाठी पाण्याची कमतरता भासू लागली आहे. पाटबंधारे विभागाने या बंधाऱ्याचे बरगे त्वरित घालावेत, अशी मागणी शेतकऱ्यांमधून होत आहे.
साठ वर्षांपूर्वी चौदा गावांच्या शेतकऱ्यांनी एकत्र येऊन सहकारी तत्त्‍वावर कासारीवर या बंधाऱ्याची निर्मिती केली होती. मात्र कालांतराने हा बंधारा पाटंधारे विभागाकडे वर्ग झाला. या नदीवरील हा शेवटचा बंधारा असून सिंचन क्षेत्रसुद्धा जास्त आहे.
पावसाळा संपल्यानंतर या बंधाऱ्यात पाणी अडवून या पाण्याचा उपयोग यवलूज, पडळ, सातार्डे, माजगाव, पोर्ले, खोतवाडी, देवठाणे, शिंदेवाडी, माळवाडी, उत्रे, पिंपळे, आळवे, वाघवे, गोलिवडे आदी चौदा गावांच्या शेतीसह पिण्यासाठी होत असतो.
सर्वसाधारणपणे पावसाळा संपल्यानंतर पाटबंधारे विभागाकडून या बंधाऱ्यात बरगे घालून पाणी अडवले जाते. परंतु पाटबंधारे विभागाने अद्याप या बंधाऱ्यात बरगे घातलेले नाहीत. परिणामी यवलूज ते देवठाणेपर्यंत कासारीचे पात्र जागोजागी कोरडे पडून सिंचनासाठी पाण्याची कमतरता भासू लागली आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.