Pune News : रताळे उत्पादनाचे आगार असलेल्या करमाळा, कराड परिसरात असलेल्या पाण्याच्या दुर्भिक्षामुळे यंदा उत्पादन घटले आहे. परिणामी आषाढी एकादशीनिमित्त पुणे कृषी उत्पन्न बाजार समितीमधील रताळ्यांची आवक मोठ्या प्रमाणावर घटल्याने दरात वाढ झाली आहे.
बुधवारी (ता. १७) एकादशी असून, त्यानिमित्ताने रविवारपासून (ता. १४) रताळ्यांच्या आवकेला सुरुवात झाली आहे. मात्र आवक घटल्याने दर सर्वसाधारणपेक्षा दुपटीने वाढले असल्याचे शेतकऱ्यांनी सांगितले.
रविवारी (ता. १४) बाजार समितीमध्ये सोलापूर जिल्ह्यातील करमाळा तालुक्‍यातील उंदरगाव, मांजरगाव येथून आवक होत आहे. येथुन सुमारे १ हजार तर कर्नाटक येथून सुमारे ३०० गोणी आवक झाली होती.
ही आवक सोमवारी (ता. १५) वाढण्याची शक्यता शक्यता आडतदार अमोल घुले यांनी व्यक्त केली आहे. आवक घटल्याने दर वाढले असून सरासरी दर ३० ते ३५ रुपये प्रतिकिलो असतात, मात्र यावर्षी दर ५० ते ६० रुपयांपर्यंत वाढले आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.