Akola News : राष्ट्रीय अन्न सुरक्षा व पोषण अभियान - अन्नधान्य पिके व वाणिज्यिक पिके, राष्ट्रीय खाद्यतेल अभियान - तेलबिया व ‘आरकेव्हीवाय’अंतर्गत महाराष्ट्र पौष्टिक तृणधान्य (श्रीअन्न) अभियानासाठी शासनाने मान्यता दिली आहे. या योजनेनुसार विविध पिकांचे प्रात्यक्षिके गट लाभार्थ्यांमार्फत घेतली जाणार आहेत. ‘महाडीबीटी’ पोर्टलवर तांत्रिक अडचणी निर्माण झाल्यामुळे उर्वरित पीक प्रात्यक्षिकांसाठी आता ऑफलाइन निवड प्रक्रिया राबवली जाणार आहे.
कृषी विभागाने प्राथमिक टप्प्यात महाडीबीटी पोर्टलवर ‘प्रथम येणाऱ्यास प्रथम प्राधान्य’ तत्त्वावर अर्ज मागविले होते. या प्रक्रियेत आतापर्यंत ८३४ गट लाभार्थ्यांची निवड यशस्वीरीत्या करण्यात आली असून, निवड झालेल्या गटांची यादी संबंधित विभागांना पाठवण्यात आली आहे.
मात्र महाडीबीटी पोर्टलवर तांत्रिक अडचणी निर्माण झाल्यामुळे उर्वरित पीक प्रात्यक्षिकांसाठी आता ऑफलाइन निवड प्रक्रिया राबवली जाणार आहे. या निवड प्रक्रियेत ‘एक गाव, एक गट, एक प्रात्यक्षिक’ हे तत्त्व पाळले जाणार असून, अर्ज अधिक असलेल्या गावांमध्ये निवड प्रक्रियेत पारदर्शकता राखण्याचे निर्देश देण्यात आले आहेत.
शेतकरी ओळख क्रमांक बंधनकारक
ऑफलाइन निवड झालेल्या गटांची नोंदणी महाडीबीटी पोर्टलवर करणे अनिवार्य असून, संबंधित माहिती Krishi Mapper पोर्टलवर अपलोड करणेही आवश्यक आहे. गटातील लाभार्थ्यांना लाभ मिळण्यासाठी त्यांच्याकडे शेतकरी ओळख क्रमांक असणे बंधनकारक आहे.
तसेच ज्या अर्जदारांनी महाडीबीटी पोर्टलवर अर्ज केला आहे परंतु ‘प्रथम येणाऱ्यास प्रथम प्राधान्य’ तत्त्वावर निवड न झालेल्या अर्जदारांची यादी देखील पाठवण्यात आली असून, त्या पात्र अर्जदारांना ऑफलाइन निवडीत प्राधान्य देण्यात येणार आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.