MahaDBT Portal: ‘महाडीबीटी’ पोर्टलची सेवा पूर्ववत

Farmer Issue: महाडीबीटी’ शेतकरी पोर्टलवर मागील काही दिवसांपासून तांत्रिक अडचणी निर्माण झाल्या असून त्यामुळे शेतकऱ्यांना त्यांच्या विशिष्ट घटकासाठी निवडीनंतर आवश्यक कागदपत्रे अपलोड करता आलेली नाहीत.
MahaDBT
MahaDBTAgrowon
Published on
Updated on

Akola News: ‘महाडीबीटी’ शेतकरी पोर्टलवर मागील काही दिवसांपासून तांत्रिक अडचणी निर्माण झाल्या असून त्यामुळे शेतकऱ्यांना त्यांच्या विशिष्ट घटकासाठी निवडीनंतर आवश्यक कागदपत्रे अपलोड करता आलेली नाहीत. मंगळवारी (ता. ३) दुपारपासून सेवा पूर्ववत झाली आहे.

या समस्येबाबत ‘ॲग्रोवन’ने ३ जूनच्या अंकात विशेष वृत्त प्रसिद्ध केल्यानंतर संबंधित यंत्रणा खडबडून जागी झाली. त्यानंतर तांत्रिक दोष दूर करण्यासाठी प्रयत्न सुरू करण्यात आले. त्याचा काहीसा परिणाम दिसून आला असून, मंगळवारी (ता. ३) दुपारपासून पोर्टल काही प्रमाणात सुरळीत सुरू असल्याचे काही सामूहिक सुविधा केंद्र (सीएससी) केंद्रधारकांनी सांगितले आहे.

MahaDBT
MahaDBT: ‘महाडीबीटी’तील ४४ लाख प्रलंबित अर्ज वैध

तांत्रिक अडचणींमुळे शेतकऱ्यांना बी-बियाणे या घटकांसह इतरही कामांसाठी अर्ज भरता येत नव्हते. कधीे कधी अर्ज भरल्यानंतर शुल्क स्वीकारले जात नव्हते. त्यामुळे अर्ज प्रलंबित राहण्याचे प्रमाण वाढल्याने शेतकऱ्यांसह सुविधा केंद्र चालकांची ही मोठी कोंडी झाली होती.काहींची अर्ज प्रक्रिया देखील पूर्ण होऊ शकलेली नाही.

परिणामी, शेतकऱ्यांमध्ये अस्वस्थता निर्माण झाली असून, अर्ज भरण्याची अंतिम मुदत वाढवावी, अशी जोरदार मागणी होत आहे. ‘महाडीबीटी’ शेतकरी पोर्टलला मागील तीन दिवसांपासून तांत्रिक अडचणी येत असल्याकारणाने ज्या शेतकऱ्यांना त्यांची विशिष्ट घटकासाठी बाबीसाठी निवड झाली त्यांना कागदपत्रे अपलोड करता आली नाही. तसेच बी-बियाणे या घटकासाठी अर्ज पूर्णतः दाखल झाले नाहीत याकरिता मुदतवाढ देण्याची गरज आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com