Pune News: किल्ले शिवनेरीला युनेस्को मानांकन दर्जा प्राप्त झाल्यानंतर शिवजन्मभूमीत भविष्यात पर्यटकांचा वाढता ओघ ध्यानात घेता, किल्ले शिवनेरीच्या परिसरातील जुन्या वाड्यांच्या माध्यमातून ‘हेरिटेज होम स्टे’ सुरू करण्याच्या जुन्नरच्या सह्याद्री गिरिभ्रमण संस्थेच्या संकल्पनेला पुणे जिल्हा परिषदेने पाठबळ दिले आहे.
त्याचाच पाठपुरावा म्हणून पंचायत समितीच्या शिष्टमंडळासह, हॉटेल कन्सल्टंसीच्या प्रतिनिधींकडून ऐतिहासिक वाड्यांची पाहणी करण्यात आली.या औचित्याने किल्ले शिवनेरी परिघातील कुसुर, निरगुडे, खामगाव या गावांमधील जुन्या वाड्यांची पाहणी करण्यात आली.
जुन्नरचे गटविकास अधिकारी प्रतिक चन्नावार, कृषी अधिकारी नीलेश बुधवंत, ओयो कंपनीचे सर्व्हिस स्पेशालिस्ट तुषार राऊत, ट्रान्स्फॉर्मेशन लीड विनोद जाधव, पंचायत समितीचे विस्तार अधिकारी राजू कोंढावळे, विनायक कदम, सह्याद्री गिरिभ्रमण संस्थेचे प्रतिनिधी प्रवीण फल्ले, विविध गावचे सरपंच आणि ग्रामपंचायत अधिकारी या वेळी उपस्थित होते.
जिल्हा परिषदेचे मुख्य कार्यकारी अधिकारी गजानन पाटील यांनी काही दिवसांपूर्वी पर्यटनाला चालना देणारा ‘हेरिटेज होम स्टे’ उपक्रम ही सह्याद्री संस्थेने दिलेली संकल्पना वास्तवात आणण्याचे सूचित केले होते. त्या माध्यमातून शेतकऱ्यांची जुनी घरे, वाडे जतन होतील.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.