Washim News : माॅन्सूनच्या पावसाने (Monsoon Rain) ओढ दिल्याने खरीप हंगामातील (Kharif crop) पिकांचा त्याचा फटका बसला आहे. तसेच सध्या सोयाबीन काढणीची काम असून बाजारात मोठ्या प्रमाणात सोयाबीनची (soyabean) आवक वाढली आहे. त्यामुळे सोयाबीनचे दर पडल्याने स्वाभिमानी शेतकरी संघटना आक्रमक झाली आहे. सोयाबीनला प्रतिक्विंटल ८ हजार रुपये दर मिळण्यासाठी आज वाशिम जिल्ह्यातील मालेगाव शहरात कडकडीत बंद पाळण्यात आला.
सध्या महाराष्ट्रातील सोयाबीन उत्पादक शेतकरी संकटात सापडला आहे. एका बाजूला दुष्काळी परिस्थिती आणि दुसरीकडे बाजारात शेती पिकांचे दर पडले आहे. सध्या खरीप पिकांची काढणीचे कामे सुरू आहेत. अशात सोयाबीनच्या भावात मोठी घसरण झाली आहे. केंद्र सरकारने खरीप हंगामात सोयाबीनचा एमएसपी ४६०० रुपये प्रति क्विंटल निश्चित केला आहे. परंतु बाजारात तेवढा भाव शेतकऱ्यांना मिळत नाही.
पावसाने ओढ दिल्याने सोयाबीनच्या उत्पादनात घट झाल्याने शेतकऱ्यांची चिंता वाढली आहे. वाशिम जिल्ह्यात सध्या सोयाबीनला प्रतिक्विंटल ३८०० ते ४१०० रुपये भाव मिळत आहे. या किमतीत शेतकर्‍यांना नफा तर मिळत नाहीच पण त्यांचा उत्पादन खर्चही निघत नाही. त्यामुळे स्वाभिमानी शेतकरी संघटना आक्रमक झाली आहे.
स्वाभिमानी शेतकरी संघटनेच्यावतीने सोयाबीनला किमान ८ हजार रुपये भाव देण्यात यावा, पिकविम्याची अग्रीम रक्कम देण्यात यावी, यलो मोझ्याकच्या तक्रारी ग्राह्य धरून संपूर्ण पीक विमा मंजूर करा या मागणीसाठी बंदची हाक दिली होती. त्याला मालेगावमध्ये उत्स्फूर्त प्रतिसाद मिळाला. सकाळपासून कृषी उत्पन्न बाजार समितीसह सर्व व्यापाऱ्यांनी सहभागी झाले होते.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.