Ahilyanagar News: अहिल्यानगर जिल्ह्यात मागील काही वर्षांनंतर पहिल्यांदाच सोयाबीनच्या दरात वाढ झाल्याचे पाहायला मिळाले आहे. सध्या येथील दादा पाटील शेळके कृषी उत्पन्न बाजार समितीत पाच हजारांच्या पुढे दर गेले आहेत. बाजारात सोयाबीनची आवक फारशी होत नसली तरी अनेक दिवसांनंतर दरात वाढ झाल्याने शेतकऱ्यांना काहीसा दिलासा मिळाला आहे..अहिल्यानगर जिल्ह्यासह राज्यात सोयाबीन उत्पादक शेतकऱ्यांची संख्या मोठी आहे. मात्र गेल्या काही वर्षांपासून सोयाबीनला दर नसल्याने शेतकरी त्रस्त होते. शासनाकडून सुरू करण्यात आलेल्या हमी भाव खरेदी केंद्रांवर सोयाबीनची ५ हजार ३२८ रुपये प्रति क्विंटल दराने खरेदी सुरू होती..Soybean Prices: शेतकऱ्यांनी सोयाबीन विकल्यानंतर दरात उसळी.मात्र तेथे विक्रीसंदर्भात भेडसावणाऱ्या अडचणींमुळे अनेक शेतकऱ्यांना हमी भाव केंद्रावर सोयाबीन विक्री करता आली नाही. दर नसल्याने शेतकरी हतबल झाले होते. मात्र अलीकडच्या पंधरा दिवसांपासून सोयाबीनच्या दरात वाढ झाली आहे. सध्या अहिल्यानगर येथील बाजार समितीत सोयाबीनचे भाव ५३०० रुपयांपर्यंत गेल्याने शेतकऱ्यांनी हमीभाव केंद्राऐवजी खुल्या बाजारात सोयाबीन विक्रीला प्राधान्य दिले आहे..Soybean Price: सोयाबीनने ओलांडला हमीभावाचा टप्पा.२०२० मध्ये १० हजार रुपये क्विंटलच्या पुढे गेलेला सोयाबीनचा भाव पुढील चार वर्षांत ३८०० ते ४५०० दरम्यान मर्यादित राहिला. त्यामुळे शेतकऱ्यांसाठी नगदी पीक असणारे सोयाबीन तोट्याचे ठरत होते. आता मात्र भाववाढीमुळे शेतकऱ्यांची चिंता दूर झाली आहे..चार वर्षांनंतर भावात तेजीचार वर्षांनंतर खुल्या बाजारात सोयाबीनचे दर पाच हजार रुपयांच्या पार गेल्याने सोयाबीनच्या भावात काही प्रमाणात तेजी आली. उत्पादक शेतकऱ्यांच्या आशा पल्लवीत झाल्या आहेत. सध्या अहिल्यानगरला सोयाबीनची दररोज ५० क्विंटलपर्यत आवक होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
