Pune News: सोयाबीनचे दर हमीभावाच्या जवळ पोहोचल्याने हमीभाव खरेदीला प्रतिसाद कमी झाला आहे. आतापर्यंत ६ लाख टन सोयाबीनची खरेदी झाली आहे. पुढील काळात दरात सुधारणा टिकून राहण्यास पोषक स्थिती आहे. त्यामुळे हमीभाव खरेदीकडे शेतकरी पाठ फिरवण्याची शक्यता असल्याचे अभ्यासकांचे म्हणणे आहे..राज्यात यंदा ९३४ केंद्रांवर सोयाबीनची खरेदी सुरू आहे. एवढी खरेदी केंद्रे राज्यात आतापर्यंत सुरू झालेली नव्हती. तरीही खरेदी कमीच झालेली आहे. चालू हंगामात पहिल्या ३ महिन्यांमध्ये म्हणजेच ऑक्टोबर ते डिसेंबर या काळात सोयाबीन दर हमीभावापेक्षा कमीच होता. पण खरेदी केंद्रे सुरू करण्यास सरकारने उशीर केला..Soybean Market: जोरदार उसळी की मर्यादित दिलासा?.यामुळे शेतकऱ्यांना हमीभाव खरेदीची गरज असतानाही सोयाबीन देता आले नाही. बहुतांश शेतकऱ्यांना खुल्या बाजारातच ४००० ते ४४०० रुपयाने सोयाबीन द्यावे लागले. डिसेंबर महिन्यातच खऱ्या अर्थाने खरेदी केंद्रांची संख्या वाढली होती. खरेदी वेग घेते तोच खुल्या बाजारातही भाव वाढले. त्यामुळे जास्त काळ खरेदी होऊ शकली नाही..Soybean Market: सोयाबीन बाजारातील सारीपाट.राज्यात हमीभावाने आतापर्यंत केवळ ६ लाख टन सोयाबीनची खरेदी झाली आहे. तर यंदा राज्यात १८ लाख ५० हजार टन सोयाबीन खरेदीचे उद्दिष्ट होते. खरेदी १२ फेब्रुवारीपर्यंत चालणार आहे. पण खुल्या बाजारात सोयाबीनचा भाव कमी होण्याची शक्यता नाही.त्यामुळे यापुढे हमीभावाने सोयाबीन खरेदी होण्याची शक्यता कमीच आहे. शेतकरी खुल्या बाजारातच सोयाबीन विक्रीला पसंती देत आहेत. कारण हमीभावाने सोयाबीन विकायचे म्हटले तरी १५० ते २०० रुपयांपर्यंत खर्च येतो. त्यामुळे बाजारात ५ हजाराने सोयाबीन विकले गेले तरी शेतकरी तिथेच माल विकत आहेत. पुढील काळातही हीच स्थिती दिसण्याची दाट शक्यता आहे..परभणी, हिंगोलीत आवक ठप्पपरभणी आणि हिंगोली जिल्ह्यांत राज्य सहकारी पणन महासंघ (स्टेट मार्केटिंग फेडरेशन), कृषी पणन मंडळ, विदर्भ सहकारी पणन महासंघ (विदर्भ को ऑपरेटीव्ह मार्केटिंग फेडरेशन) या ३ नोडल एजन्सींजची टप्प्याटप्प्याने एकूण ७५ खरेदी केंद्रे कार्यान्वित झाली. या केंद्रावर शुक्रवार (ता. १६) पर्यंत ७० हजार ७९० शेतकऱ्यांनी नोंदणी केली आहे.त्यापैकी ३२ हजार ६०२ शेतकऱ्यांकडून ६ लाख २७ हजार ३६४ क्विंटल सोयाबीनची खरेदी करण्यात आली. मात्र मागील आठ दिवासांपासून सोयाबीनची आवक ठप्प झाली. कमी खरेदी झाल्यामुळे आर्थिक नुकसान झाल्याचे केंद्र चालकांचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
