Solapur APMC Election : पहिल्या दिवशी एकाही उमेदवाराची माघार नाही

Solapur News : सोलापूर कृषी उत्पन्न बाजार समितीच्या संचालक मंडळाच्या निवडणुकीत दाखल झालेल्या उमेदवारी अर्जांची मंगळवारी (ता. १) छाननी झाली. या छाननीत वैध ठरलेले उमेदवारी अर्ज मागे घेण्यासाठी आजपासून सुरवात झाली. अर्ज माघारीच्या पहिल्या दिवशी एकाही उमेदवाराने माघार घेतली नाही. बाजार समितीसाठी सध्या ३८८ उमेदवारांचे ४३८ अर्ज कायम राहिले आहेत.

निवडणुकीत ४६९ जणांनी ४२९ अर्ज दाखल केले होते. त्या अर्जाची छाननी झाल्यानंतर ४० जणांचे अर्ज अपात्र ठरवण्यात झाले आहेत. तर ३८९ जणांचे अर्ज पात्र झाले आहेत. अपात्र अर्जांमध्ये बाजार समितीची थकबाकी असणे, शेतकरी दाखला नसणे, आर्थिक दुर्बल घटकाचा दाखला नसणे, जात प्रमाणपत्र सादर न करणे, बाजार समितीचा व्यापारी परवाना असणे या कारणास्तव उमेदवार अपात्र ठरवण्यात आले आहेत.

सहकारी संस्था सर्वसाधारण मतदारसंघातून केदारलिंग विभूते, बाळासाहेब पाटील, नागनाथ घेरडे, सतीश इसापुरे, व्यंकटेश मेकाले, सहकारी संस्था महिला राखीव मतदारसंघातून जैतून पिंजारी, भौराबाई पाटील, शिवलीला भरले, निलोफर हत्तुरकर, राजश्री तमशेट्टी, सहकारी संस्था इतर मागासवर्ग मतदारसंघातून रसतीश इसापुरे यांचे अर्ज अपात्र ठरले आहेत.

ग्रामपंचायत सर्वसाधारण मतदारसंघातून केदारलिंग विभूते, सिकंदरताज पाटील, सागर सलगर, युवराज पवार, रियाना शेख, श्रीशैल माळी, विजय राठोड, शिवराज जाधव, रमजान नदाफ, विक्रांत काकडे, ग्रामपंचायत अनुसूचित जाती जमाती मतदारसंघातून रामजी गायकवाड, स्वाती माने, सुनील रणखांबे, सुरेश देशमुख, मिलिंद मुळे, दिलीपकुमार गायकवाड यांचे अर्ज अपात्र ठरले आहेत.

ग्रामपंचायत आर्थिक दुर्बल घटक मतदारसंघातून शिवराज जाधव, बसवराज माळगे, राम सुरवसे, सुनील तांबे, मिलिंद मुळे, संजय राठोड, प्रशांत साबळे, नागेश चांगले, गंगाधर सरवडे, व्यापारी प्रतिनिधी मतदारसंघातून मारुती बिराजदार, रईस बागवान, हमाल तोलार प्रतिनिधी मतदारसंघातून राहुल बनसोडे असे एकूण ४० अर्ज नामंजूर झाले आहेत.