Solapur APMC Election : सोलापूर बाजार समितीसाठी तब्बल ४२९ जणांचे ४६९ अर्ज

Solapur News : सोलापूर कृषी उत्पन्न बाजार समितीच्या संचालक मंडळ निवडणुकीत १८ जागांसाठी तब्बल ४२९ जणांचे ४७९ अर्ज दाखल झाले आहेत. येत्या मंगळवारी (ता.१) या उमेदवारी अर्जांची छाननी होणार आहे.

गेल्या चार दिवसांपासून ही प्रक्रिया सुरू आहे. शुक्रवारी (ता.२९) उमेदवारी दाखलाचा शेवटचा दिवस होता. या दिवशी सहकारी संस्था सर्वसाधारण गटातून सर्वाधिक १३३ जणांनी अर्ज दाखल केले.

सहकारी संस्था महिला राखीव मधून २८, सहकारी संस्था इतर मागासवर्गीय मधून २४, सहकारी संस्था विमुक्त जाती भटक्या जमाती ३४, ग्रामपंचायत सर्वसाधारण १०६, ग्रामपंचायत अनुसूचित जाती ३२, ग्रामपंचायत आर्थिक दुर्बल २०, व्यापारी प्रतिनिधी ३८, हमाल तोलार प्रतिनिधी १४ असे एकूण ४६९ जणांनी ४२९ अर्ज दाखल केले आहेत.

निवडणुकीसाठी शेवटच्या दिवशी तब्बल २७० जणांनी आपले उमेदवारी अर्ज दाखल केले. दरम्यान, आता उमेदवारी अर्जाची छाननी ही मंगळवारी (ता.१) सकाळी साडेअकराच्या वाजता कृषी उत्पन्न बाजार समितीच्या हैदराबाद रोडवरील वि. गु. शिवदारे सभागृहात होणार असल्याची माहिती जिल्हा उपनिबंधक तथा बाजार समितीचे निवडणूक निर्णय अधिकारी किरण गायकवाड यांनी दिली.

आकडे बोलतात...

मतदारसंघाचे नाव जागा अर्ज उमेदवार

सहकारी संस्था सर्वसाधारण ०७ १५१ १३३

सहकारी संस्था महिला ०२ ३१ २८

सहकारी संस्था इतर मागासवर्ग ०१ २६ २४

सहकारी संस्था वि. जा./भ. ज. ०१ ३७ ३४

ग्रामपंचायत सर्वसाधारण ०२ १०८ १०६

ग्रामपंचायत अनु. जाती/जमाती ०१ ३३ ३२

ग्रामपंचायत आर्थिक दुर्बल घटक ०१ २० २०

व्यापारी मतदारसंघ ०२ ५६ ३८

हमाल व तोलार मतदारसंघ ०१ १७ १४

एकूण १८ ४७९ ४२९