Uran News : चिरनेर कळंबुसरे परिसरातील पाणी निचरा करणाऱ्या खाडीत सध्या गाळ साचला आहे. त्यामुळे प्रशासनाने येथील खाडीतील गाळ लवकरात लवकर काढावा, अशी मागणी पूरग्रस्‍तांकडून करण्यात येत आहे.
चिरनेर अकादेवी डोंगरावरून येणाऱ्या पावसाचे पाणी हे चिरनेरच्या मध्यवर्ती नाल्यावाटे खाडीपात्रात मिसळते. या पावसाच्या पाण्याबरोबर गाळ, कचराही वाहून येत असतो. वर्षानुवर्षे वाहून आलेला गाळ आणि कचऱ्याने येथील खाडीच्‍या पात्राची खोली कमी झाली आहे. त्यातच चोहोबाजूने झुडपांची मोठ्या प्रमाणात वाढ झाली आहे.
काही ठिकाणी खाडीचे पात्र अगदी लहान झाल्‍याचे दिसून येत आहे. त्यामुळे भरतीच्‍या वेळी येणारे पाणी हे थेट गावाच्या दिशेने पुढे येते. तसेच पाण्याचा निचराही लवकर होत नाही. त्यातच येथील डोंगरमाथ्यावर मोठ्या प्रमाणावर पाऊस होतो. त्यामुळे पावसाचे पाणी नाल्‍यातून वाहून खाडीमध्ये मिसळते.
मात्र, खाडीचे पात्र गाळामुळे भरले असल्‍याने पाण्याचा योग्य निचरा होत नाही. त्यामुळे येथील गाव-वाड्यांमध्ये पूरस्थिती निर्माण होत आहे. अनेक वेळा या पूरस्थितीचा सामना चिरनेरवासीयांना करावा लागला आहे. प्रत्येक वर्षी पुराच्या स्थितीमध्ये वाढ होताना दिसून येत आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.