Ration Card e-KYC : ई-केवायसीबाबत उदासीनता

Ration Card Update : जिल्ह्यात आतापर्यंत फक्त ६९.५३ टक्केच ई-केवायसी पूर्ण झाली असून, ई-केवायसी करण्यासाठी पुन्हा एकदा ३० जूनची मुदत देण्यात आली आहे.
Ration Card Verification
Ration Card Verification Agrowon
Published on
Updated on

Raigad News : वारंवार मुदतवाढ देऊनही रायगड जिल्ह्यातील शिधापत्रिकाधारकांकडून ई-केवायसी प्रक्रिया पूर्ण करण्यात उदासीनता दाखवण्यात येत आहे. यात सर्वाधिक प्रमाण नोकरी करण्यासाठी दुसऱ्या जिल्ह्यात गेलेल्या चाकरमानी कुटुंबीयांचे आहे. जिल्ह्यात आतापर्यंत फक्त ६९.५३ टक्केच ई-केवायसी पूर्ण झाली असून, ई-केवायसी करण्यासाठी पुन्हा एकदा ३० जूनची मुदत देण्यात आली आहे.

ही मुदत संपण्यास अवघे काही दिवस शिल्लक राहिल्याने यादरम्‍यान ई-केवायसी न झाल्यास शिधापुरवठा बंद होऊ शकतो, अशा सूचना जिल्हा पुरवठा विभागाने दिल्या आहेत. शिधा वितरणात सुसूत्रता आणण्यासाठी शिधापत्रिका ई-केवायसीद्वारे आधार कार्डशी संलग्न करण्याची मोहीम राबवण्यात येत आहे.

Ration Card Verification
Ration Card Verification : शिधापत्रिका तपासणी कामाला वेग

दक्षिण रायगडमधील बहुतांश नागरिक नोकरी-व्यवसायासाठी स्थलांतरित झाले आहेत. असे असले तरी त्‍यांनी गावातील शिधापत्रिका अद्याप बंद केलेल्‍या नाहीत, तर काही जणांकडून गावाकडे येऊन ई-केवायसी करण्यास वेळ मिळत नसल्याचे सांगण्यात येत आहे.

३० जूनपर्यंत मुदत

 वारंवार मुदतवाढ दिल्यानंतर पुन्हा एकदा ३० जूनपर्यंत मुदत देण्यात आली आहे. या मुदतीत लाभार्थ्यांनी जवळच्या रास्तभाव धान्य दुकानामध्ये अथवा कॅम्पमध्ये जाऊन आपल्या अंगठ्याचा ठसा व आधार क्रमांक देऊन ई-केवायसी करावी. ई-केवायसी करण्यासाठी आतापर्यंत अनेकदा शिबिरांचे आयोजन केले आहे.

Ration Card Verification
Ration card: रेशन कार्ड धारकांसाठी महत्वाची अपडेट

 त्याचबरोबर याकरिता शिधापत्रिकेतील अर्थात कुटुंबातील सर्व लाभार्थ्यांनी आपल्या नजीकच्या रास्तभाव धान्य दुकानांमध्ये प्रत्यक्ष आधार कार्ड दाखवून, अंगठ्याचा ठसा देऊन आधार प्रमाणीकरण ई-केवायसी करता येते. राज्यातील इतर जिल्ह्यांमध्ये हे प्रमाण ८५ टक्क्यांच्या आसपास आहे, परंतु रायगडमध्ये शिधापत्रिकाधारक ई-केवायसीबाबत उदासीन असल्याचे दिसून येत आहे.

२५ जूनपर्यंतची ई-केवायसी टक्केवारी

अलिबाग ६८.९१

कर्जत ७८.५७

खालापूर ७३.४५

महाड ६७.४९

माणगाव ६७.७८

म्हसळा ६२.५२

मुरूड ७०.९७

पनवेल ६३.८०

पेण ८१.८९

पोलादपूर ५४.८०

रोहा ६०.५९

श्रीवर्धन ६४.७६

सुधागड ६३.५९

तळा ७२.७३

उरण ७७.१८

शिधापत्रिकेला आधार कार्ड लिंक करून ई-केवायसी करणे गरजेचे आहे. यातून शिधापुरवठा करण्यात सुसूत्रता येण्यास मदत होणार आहे. ई-केवायसी प्रक्रिया पूर्ण होण्यासाठी पुरवठा विभागाकडून वारंवार शिबिरे आयोजित करण्यात आली होती, परंतु जिल्ह्यातील काही तालुक्यांमधून यास कमी प्रतिसाद मिळत आहे.
- सर्जेराव सोनावणे, पुरवठा अधिकारी

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com