Pune News : बटाट्याचे आगार समजल्या जाणाऱ्या आंबेगाव तालुक्यात रब्बी बटाटा लागवडीची लगबग सुरू झाली असून, पंजाबमधील प्रसिद्ध पुखराज व ज्योती या बटाटा वाण खरेदीसाठी मंचर बाजार समितीमध्ये शेतकऱ्यांची वर्दळ वाढली आहे. पंजाब येथून एक लाख ८५ हजार २५० पोती (प्रति ५० किलो) आवक झाली आहे. १० जानेवारीपर्यंत बटाटा लागवडीचा हंगाम सुरू असल्याने वाणांच्या खरेदीची लगबग वाढली आहे.
दिवाळीनंतर साधारण रब्बीच्या बटाटे लागवडीला प्रारंभ होतो. दिवाळीमध्ये बटाटा वाणाला प्रति क्विंटलला तीन हजार ५०० रुपये ते चार हजार रुपये होता. सध्या हाच दर २ हजार ८०० ते ३ हजार २०० रुपये आहे. पंजाबमधील शीतगृह यंत्रसामग्री देखभाल दुरुस्तीसाठी काही कालावधीसाठी बंद ठेवावी लागतात.
त्यामुळे शीतगृहातील बटाटा वाण बाहेर काढावा लागत असल्याने मंचरला बटाटा वाणाची आवक वाढली. परिणामतः बटाटा वाण स्वस्त झाले आहे. त्यामुळे खरेदीदार शेतकऱ्यांची संख्या वाढली आहे, असे अडते संजय मोरे व बाजार समितीचे संचालक राजू भंडारी यांनी सांगितले.
राज्यात वाढतीये बटाटा लागवड
राज्यात लातूर, बीड, धाराशिव, छत्रपती संभाजीनगर, अहिल्यानगर, मुळशी, नाशिक, आंबेगाव, खेड, जुन्नर, शिरूरच्या काही भागात रब्बी हंगामातील बटाटा लागवड क्षेत्र वाढले असल्याचेही मोरे यांनी सांगितले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.