Satara News : ‘‘ग्राहकांच्या मागणीनुसार दर्जेदार व गुणवत्तापूर्ण उत्पादनांचा पुरवठा करणे ही मुख्यत्वे आपली जबाबदारी आहे. ग्राहकांचा विश्‍वास संपादन करण्यासाठी ॲगमार्क, सेंद्रिय प्रमाणिकरण कार्यप्रणाली अत्यंत महत्त्वाची भूमिका बजावत आहे,’’ असे मत राज्य खादी व ग्रामोद्योग मंडळाच्या मुख्य कार्यकारी अधिकारी आर. विमला यांनी सांगितले.
महाबळेश्‍वर येथे राज्य खादी व ग्रामोद्योग मंडळाच्या महाबळेश्‍वर येथील मध संचलनालयात जागतिक ग्राहक अधिकार दिवस कृषी व शेतकरी कल्याण मंत्रालय, विपणन व निरीक्षण यांच्यातर्फे आयोजित करण्यात आला.
महाबळेश्‍वरच्या तहसीलदार तेजस्विनी पाटील यांनी महाबळेश्‍वर येथील मध उत्पादकांसाठी हे प्रदर्शन व चर्चासत्र उपयुक्त असल्याचे सांगितले. उप कृषी विपणन सल्लागार भावेश कुमार, वरिष्ठ विपणन अधिकारी राघवेंद्र मुरगोड, विजय पाटील आदी उपस्थित होते.
तूप, गूळ, हळद, मध, लोणची इत्यादींचे स्टॉल लावलेले होते. या स्टॉलला पर्यटकांचा चांगला प्रतिसाद मिळाला. मध, तूप तसेच अन्नपदार्थांतील भेसळ कशी ओळखावी, मधमाश्‍यांच्या वसाहती मधमाश्‍या हाताळण्याचे प्रात्यक्षिक दाखविण्यात आले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.