Onion Garlic Rate : कोल्हापूर बाजारात कांदा, लसूण, शेवगा शेंग दरात तेजी; टोमॅटोची झाली घसरण

Kolhapur Vegetables Rate : मागील एक वर्षापासून लसणाचे दर ३०० ते ४०० रूपयांपर्यंत स्थीर राहिले आहेत. तर ठेवणीतील कांद्यांची आवक कमी झाल्याने कोल्हापूर बाजारात कांद्याच्या दरात तेजी पहायला मिळत आहे. तर शेवगा शेंग प्रतीनग वीस रुपये आहे, तर मेथी, पोकळा, कांदापात, शेपूचा दर प्रती पेंडी वीस ते पंचवीस रुपये असा आहे.

आवळा, ओली हळद, गावठी काकडीची काही प्रमाणात बाजारात आवक वाढली असली तरी दर चांगला मिळत आहे. गवारीचे उत्पादन कमी होत असल्याने जवारी आणि देशी गवारीला १०० रूपयांच्या पुढे दर मिळत आहे. लाल कांदा ५० रुपये आणि उन्हाळी कांदा ७० रुपये असा, तर बटाटा ४० ते ५५ रुपये प्रतिकिलो आहे.

बाजारात नवीन लसूण न आल्याने जुन्या लसणाला दर आला आहे. किरकोळ बाजारात लसणाचा दर ३६० ते ४२० असा आहे. अजून नवीन कांदा दाखल झालेला नाही. पालेभाज्या, फळभाज्या आणि फळांमध्ये पेरू, संत्री, मोसंबी, सफरचंदचे दर कमी झाले आहेत, तर डाळिंब, परदेशी सफरचंद, अंजीरला दर चांगला मिळत आहे. केळीचे दर स्थिर आहेत. टोमॅटोचा भाव खाली आला आहे.

भाजीपाला दर किलोमध्ये रूपयांत

मेथी १५ ते २५, कांदापात २०, शेपू २०, पालक १५ ते २०, पोकळा १५ ते २०, तांदळी १५, लाल माठ १० ते १५, पुदीना १० ते २०, मुळा १० ते १५ नग, कोथिंबीर १५ ते २५.

फळभाज्यांचे किलोचे दर

दोडका ४० ते ६०, वांगी ४० ते ८०, ढब्बू मिरची ६० ते १००, गवारी १०० ते १४०, बिनीस १०० ते १२०, घेवडा ८० ते १००, हिरवी काकडी (गावठी) १२०, काटेरी काकडी ४० ते ६०, पडवळ १५ ते २५ नग, शेवगा १५ ते २० नग. दुधी भोपळा २० ते ४० नग. टोमॅटो ३० ते ४०, ओली मिरची ५० ते ६०, बीट १५ते २० रूपये नग. हिरवा वाटाणा १४०, कोबी २० ते ४०, फ्लॉवर गड्डा ३० ते ५० रूपये.

फळांचे दर

सफरचंद १२० ते १८०, सफरचंद (परदेशी) १८० ते २९०, डाळिंब १००, सीताफळ ५० ते ६०, पेरू ५० ते ६०, पपई १० ते ५०, केळी जवारी ४० ते ७०, केळी बंदरी ४० ते ८०, ड्रॅगन फ्रुट १२०, अंजीर १२० ते १४०.