Sangli News : दुष्काळी जत तालुक्यातील पूर्व भागात पुरेशा पावसाअभावी शेतकऱ्यांवर पुन्हा एकदा संकटाचे सावट गडद होत आहे. कमी पाण्यावर शेतकऱ्यांनी कसेबसे डाळिंब बागा वाचवण्याचा प्रयत्न केला जात आहे. काही ठिकाणी शेतकऱ्यांचे प्रयत्न यशस्वी ठरले. मात्र, आता डाळिंब बागांवर बिब्या, कुजवा व डाळिंब फुटणे, अशा रोगराईने जोर धरला आहे.
डाळिंब फळा़ंमध्ये मोठ्या प्रमाणावर रोग पसरल्याने उत्पादनात कमालीची घट होत आहे. अनेक शेतकरी स्वतःच्या कष्टाच्या बळावर बागा जिवंत ठेवण्यात यशस्वी झाले होते. मात्र, रोगराईमुळे पुन्हा फटक बसत आहे.
बिब्या रोग व कुजवा रोगावर नियंत्रणासाठी शेतकरी वर्गाने कीडनाशके, फवारण्या व जैविक उपाययोजना यांचा अवलंब केला. मात्र, या उपाययोजना अपेक्षित परिणाम देण्यात अयशस्वी ठरत असल्याचे दिसून येत आहे. या रोगाचा प्रसार झपाट्याने होत असल्यामुळे शेतकऱ्यांचे आर्थिक गणित कोलमडले आहे.
डाळिंब हे एक नगदी पीक असून, त्यावर मोठ्या प्रमाणावर खर्च करावा लागतो. सध्या डाळिंब बागा राखण्यासाठी शेतकरी पुन्हा कर्ज घेत आहेत. शासनाने याची तातडीने दखल घेऊन पुढील उपाययोजना हाती घ्याव्यात, रोग नियंत्रणासाठी विशेष मोहीम राबवावी तसेच आर्थिक मदतीचा हात द्यावा, अशी मागणी शेतकरी वर्गातून जोर धरू लागली आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.