PM Kisan Scheme : पीएम किसानच्या १९ व्या हप्त्याचं बिहारमधून पंतप्रधान करणार वितरण; पीएम किसानचं 'स्टेट्स चेक' करण्याची सोपी पद्धत

PM Kisan Status Check : पंतप्रधान नरेंद्र मोदींच्या बिहारमधील या कार्यक्रमासाठी मुख्यमंत्री देवेंद्र फडणवीस आणि कृषिमंत्री माणिकराव कोकाटे नागपूरमधून ऑनलाईन सहभागी होणार आहेत. तसेच राज्यातील कृषी विभाग, महसूल, वन, ग्रामविकास विभागासह कृषी विज्ञान केंद्र, शेतकरी उत्पादक कंपन्यांची संघटना हजेरी लावणार आहेत.
PM Kisan Scheme
PM Kisan SchemeAgrowon
Published on
Updated on

PM Modi to Distribute 19th Installment : पंतप्रधान नरेंद्र मोदी यांच्या हस्ते २४ फेब्रुवारी रोजी पंतप्रधान किसान सन्मान निधी योजनेच्या १९ व्या हप्त्याचं वितरण करण्यात येणार आहे. बिहारमधील भागलपुर येथील समारंभात दुपारी हप्त्याचं वितरण केलं जाईल.

राज्यातील ९२.८९ लाख शेतकरी कुटुंबांना १९ व्या हप्ताचे १ हजार ९६७ कोटी रुपयांचं वितरण केलं जाणार असल्याची माहिती कृषी विभागाने दिली आहे. त्यामुळे शेतकऱ्यांनी तातडीने ई-केवायसी पूर्ण करून घ्यावी, असं आवाहन कृषी विभागाकडून करण्यात आलं आहे.

पंतप्रधान नरेंद्र मोदींच्या बिहारमधील या कार्यक्रमासाठी मुख्यमंत्री देवेंद्र फडणवीस आणि कृषिमंत्री माणिकराव कोकाटे नागपूरमधून ऑनलाईन सहभागी होणार आहेत. तसेच राज्यातील कृषी विभाग, महसूल, वन, ग्रामविकास विभागासह कृषी विज्ञान केंद्र, शेतकरी उत्पादक कंपन्यांची संघटना हजेरी लावणार आहेत.

पंतप्रधान किसान सन्मान निधी योजनेतून शेतकऱ्यांना दरवर्षी ६ हजार रुपये दिले जातात. त्याचे तीन टप्पे करण्यात आले आहेत. म्हणजे चार महिन्याला २ हजार याप्रमाणे हप्ता वितरित करण्यात येतो. २०१९ पासून राबवण्यात आलेल्या या योजनेतुन आत्तापर्यंत १८ हप्त्यांचं वितरण शेतकऱ्यांना करण्यात आलं आहे. आता १९ वा हप्ता बिहार येथील कार्यक्रमातून वितरित केला जाणार आहे.

पीएम किसानच्या १८ हप्त्याचं वाशिममधील शेतकरी मेळाव्यात वितरण केलं होतं. त्यावेळी २० हजार कोटींचं वाटप ९ कोटी ४० लाख शेतकऱ्यांच्या खात्यावर जमा करण्यात आले होते. तर राज्यातील ९१ हजार शेतकऱ्यांना लाभ मिळाला होता.

हप्ता कसा चेक करायचा?

शेतकऱ्यांनी या योजनेचा लाभ घेण्यासाठी ई-केवायसी पूर्ण करून घ्यावी. तसेच पीएम किसानचं स्टेट्स तपासण्यासाठी योजनेच्या अधिकृत pmkisan.gov.in वेबसाईटवर जाऊन होमपेजवरील फार्मर कॉर्नरवर क्लिक करा. त्यानंतर स्टेटस समजून घ्या वर क्लिक करा. त्यामध्ये रजिस्ट्रेशन नंबर आणि कॅपचा टाका. गेट ओटीपीवर क्लिक करून तुमच्या रजिस्टर्ड मोबाईल नंबरवर आलेला ओटीपी टाका. त्यानंतर तुम्हाला पीएम किसानच्या हप्त्याचा मागील तपशील पाहता येईल.

PM Kisan Scheme
PM Awas Yojana : प्रधानमंत्री आवास योजनेसाठी यंत्रणेला मार्गदर्शन

दरम्यान, पीएम किसानचा हप्ता वाढवण्याची मागणी शेतकरी करत आहेत. परंतु पीएम किसानचा हप्ता वाढवण्याचा सध्या केंद्र सरकारचा विचार नसल्याचं स्पष्ट केलं आहे. तसेच पीएम किसान आणि नमो शेतकरी सन्मान निधीचा हप्ता एकत्र जमा करण्यात येणार नाही, असंही राज्य सरकारमधील वरिष्ठ अधिकाऱ्यांनी स्पष्ट केलं आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com