Latur News : बांधावरील चिंच फळाच्या झाडावर यंदा पहिल्यांदाच अळीचा प्रार्दुभाव झाल्याचे दिसत आहे. या अज्ञात काळ्या अळीमुळे चिंचेच्या उत्पादनावर परिणाम होण्याची भीती शेतकऱ्यांमध्ये आहे.
शेतातील पिकांवर अळीचा प्रादुर्भाव होतो. मात्र बांधावरच्या चिंचेवरही अळीने आपले बस्तान बसवल्याने इतर पिकांप्रमाणेच चिंचेची गत होण्याची शक्यता वर्तवली जात आहे. पिढ्यान् पिढ्याची चिंचवर ऐन फुलांच्या हंगामात अळीचा प्रादुर्भाव झाला आहे.
पेरणीच्या हंगामात चिंच फुलांनी बहरते. या बहरावरच चालू हंगामासाठी व्यापारी चिंचेचे सौदे घेतात. फेब्रुवारीमध्ये चिंच काढणीला येत असली, तरी जूनमध्येच झाडांचे व्यवहार होतात. यामुळे पेरणीसाठी शेतकऱ्यांना चिंचेचा हातभार लागतो. चिंचेचे एक झाड दीड हजारापासून वीस हजारांपर्यंत उत्पन्न देते.
या व्यवहाराच्या तोंडावरच काळ्या अळीच्या प्रादुर्भावामुळे व्यापारी व्यवहार करण्यासाठी धजत नसल्याची स्थिती आहे. हडोळती (ता. अहमदपूर) येथील शेतकरी गोविंद जोशी यांनी त्यांच्या शेतात दीडशे वर्षांपूर्वीचे चिंचेचे झाड असून, दरवर्षी हे झाड व्यापारी ३५ हजारांपर्यंत खरेदी करत होते. या वर्षी काळी अळी दिसल्याने व्यापारी खरेदीसाठी पुढे येत नसल्याचे सांगितले. अळीमुळे फुलोरा गळत असल्याचे चिंच व्यापारी रज्जाकसाहेब शेख यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
