Jalgaon News : खानदेशात पपईची लागवड जूनमध्ये आटोपली असून, एकट्या शहादा (जि.नंदुरबार) तालुक्यात सुमारे पाच हजार हेक्टरवर लागवड झाली आहे. जळगाव, नंदुरबार आण धुळे या तिन्ही जिल्ह्यांत एकूण १३ हजार हेक्टरवर लागवड झाली असून, आगाप लागवडीच्या पपई पिकात लवकरच काढणी होईल, अशी स्थिती आहे.
पपईखालील क्षेत्र यंदा वाढले आहे. जानेवारी व फेब्रुवारी महिन्यात लागवड केलेल्या पपई पीक फळे पक्व होत असून, पीक काढणीवर येत आहे. या पपईस चांगले दर मिळावेत, अशी अपेक्षा पपई उत्पादकांना आहे. पपईची काढणी पुढील महिन्यात सुरू होईल, असे संकेत आहेत.
ही काढणी शहादा, तळोदा, धुळ्यातील शिरपूर, जळगावातील चोपडा भागांत होईल. पपईची लागवड कापूस पीक कमी झाल्याने वाढली आहे. अनेकांनी काढणी झालेल्या केळी बागांत पपईची लागवड केली.
पपईतील नियमित काढणी सप्टेंबरमध्ये अनेक क्षेत्रांत सुरू होईल, असे दिसत आहे. पपईसाठी खानदेशातील नंदुरबार जिल्हा प्रसिद्ध आहे. लागवड मागील वर्षी नोव्हेंबरमध्ये सुरू झाली. अनेक शेतकऱ्यांनी पपईत कलिंगडाचे आंतरपीक घेतले आहे. पपईच्या रोपांचे दर यंदा वेगवेगळे होते. त्यात अधिकचा खर्च लागला आहे. प्रतिरोप १३ ते १७ रुपये, असे दर विविध भागात होते.
नंदुरबारातील लागवड वाढली
नंदुरबारात मागील वर्षी सुमारे चार हजार हेक्टरवर पपई पीक होते. परंतु २०२४-२५ मध्ये नंदुरबारात पपईची लागवड सहा हजार हेक्टरपेक्षा अधिक झाली आहे. धुळ्यातही लागवड वाढली असून, सुमारे अडीच हजार हेक्टरवर पपई पीक आहे. जळगाव जिल्ह्यात सुमारे पाच हजार हेक्टरवर लागवड झाली आहे.
नंदुरबार गेले तीन वर्षे पपई लागवडीत आघाडीवर राहिला आहे. पण नंदुरबारातील लागवड यंदा अधिकची वाढली आहे.जलसाठे मुबलक होते. त्यामुळे लागवड यंदा सुरूच होती. जून २०२५ पर्यंत पपई लागवड झाली आहे. धुळ्यात शिरपूर व शिंदखेडा भागात अधिक लागवड झाली आहे. जळगाव जिल्ह्यात चोपडा, यावल, रावेर, जामनेर, मुक्ताईनगर व इतर भागात लागवड झाली आहे. याच भागात सध्या काढणीही सुरू झाल्याची माहिती आहे.
शेतकऱ्यांची लगबग
पपईचे दर गेल्या हंगामात चांगले होते. यंदाही दर अपेक्षेएवढे मिळतील, असे चर्चिले जात आहे. कमी पाऊस असल्याने काळ्या कसदार जमिनीत पपई पीक बऱ्यापैकी आहे. पपईची चांगली वाढ झाली आहे.
फळधारणा झाल्यानंतर शेतकऱ्यांनी पिकात बुरशीनाशके, कीटकनाशकांची फवारणी घेतली आहे. पिकात तणही वाढले. पीक तणमुक्त ठेवण्यासाठीदेखील शेतकऱ्यांनी कार्यवाही केली आहे. फळे पक्व होण्यासाठी शेतकरी विद्राव्य व अन्य खते पिकास देत आहेत. पाऊस कमी असल्याने आवश्यकतेनुसार सिंचनही केले जात आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.