Bengaluru News : भारतीय कृषी संशोधन परिषदेचे (आयसीएआर) माजी महासंचालक, कृषितज्ज्ञ आणि पद्मश्री पुरस्कार विजेते सुब्बन्ना अय्यप्पन (वय ७०) यांचा मृतदेह नदीत आढळला आहे. त्यांचा मृतदेह शनिवारी (ता. १०) मंड्या जिल्ह्यातील श्रीरंगपट्टन येथील कावेरी नदीत आढळला, अशी माहिती मंड्या जिल्ह्याचे पोलिस अधीक्षक मल्लिकार्जुन बलदंडी यांनी दिली.
ते दोन दिवसांपासून बेपत्ता होते. त्यांच्या मृत्यूचे कारण अद्याप स्पष्ट झालेले नाही. त्यांच्या पश्चात पत्नी आणि दोन मुली आहेत. ‘‘घरातून निघून गेल्यानंतर त्यांच्या कुटुंबीयांनी तीन दिवसांपूर्वी मैसूरच्या विद्यारण्यमपुर पोलिस ठाण्यात तक्रार दाखल केली होती.
त्यांचा मृतदेह के. आर. रुग्णालयात शवविच्छेदनासाठी पाठवण्यात आला,’’ असे पोलिसांकडून सांगण्यात आले आहे. ‘‘ते मैसूरमधील विश्वेश्वरनगर औद्योगिक भागात अक्कामहादेवी रोड येथे राहात होते. त्यांची स्कूटर नदीकिनारी सापडली.
डॉ. सुब्बन्ना अय्यप्पन मैसूरच्या श्री रामकृष्ण आश्रमात आणि सिरीरंगपटणममधील कावेरी नदीच्या किनारी ध्यानासाठी जात असत. तीन दिवसांपूर्वी साईबाबा आश्रमाजवळील कावेरी नदीत उडी घेऊन त्यांनी आपले आयुष्य संपवले असावे,’’ असा संशय पोलिसांनी व्यक्त केला आहे.
भारताच्या ‘नील क्रांती’मध्ये त्यांचा मोठा वाटा होता. त्यांना २०२२ मध्ये पद्मश्री पुरस्काराने सन्मानित करण्यात आले होते. कृषी संशोधनात सक्रिय असतानाच त्यांनी अनेक संस्थांची उभारणी केली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.