Jalna News : तालुक्यात झालेले अल्प पर्जन्यमान आणि पाणीसाठा नसल्यामुळे मोसंबी तसेच डाळिंबाच्या फळबागा धोक्यात आल्या आहेत. यंदा तालुक्यात कमी पावसामुळे मध्यम आणि लघूु प्रकल्पांत जोत्याखाली पाणीसाठा शिल्लक राहिलेला नाही. जमिनीतील भूजल पातळीही खालावली आहे.
शेततळे आणि बंधारे कोरडे असल्यामुळे शेतीला पाणी उपलब्ध नाही. सध्या उन्हाची तीव्रता अधिकअसल्यामुळे तीव्र पाणी टंचाई जाणवत आहे.
तालुक्यात मोसंबी आणि डाळिंबासह इतर फळबागांचे १६ हजार हेक्टर क्षेत्र आहे. पावसाळ्यात दूधना, भोर्डी, सुखना, लहुकी या नद्या वाहत्या झाल्याच नाहीत. त्यामुळे लहान मोठ्या तलावात पाणीसाठा जमा झालेच
नाही. भूजल पातळीत वाढ न झाल्याने विहिरींनी तळ गाठला आहे तर कूपनलिका कोरड्या पडत आहे. परिणामी तालुक्यातील वाकुळणी, बाजार वाहेगाव, माळेगाव, कुसळी,
देवगाव, कस्तुरवाडी, धोपटेश्वर, पाडळी, नानेगाव, सायगाव, डोंगरगाव, काजळा अशा अनेक गावांना दुष्काळाचे चटके जाणवत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
