Crop Insurance : मराठवाड्यात केवळ १२ लाख ७७ हजार हेक्टर क्षेत्र विमा संरक्षित

Chh. Sambhajinagar News : मराठवाड्यातील पेरणी केलेल्या एकूण ४६ लाख ८३ हजार ५८७ हेक्टर क्षेत्रापैकी आत्तापर्यंत सुमारे १२ लाख ७७ हजार ९८९ हेक्टर क्षेत्रच विमा संरक्षित झाले आहे. नव्या नियमानुसार पीक कापणी प्रयोगातील उत्पादनानुसार शेतकऱ्यांना पीकविमा संरक्षित परतावा मिळणार आहे.

याबाबत मिळालेल्या माहितीनुसार, मराठवाड्यात सर्वसाधारण ४९ लाख ७२ हजार ७२८ हेक्टर क्षेत्राच्या तुलनेत सुमारे ४६ लाख ८३ हजार ५८७ हेक्टरवर खरिपाची पेरणी झाली.

पेरणी झालेल्या या क्षेत्रापैकी छत्रपती संभाजीनगर, जालना व बीड या तीन जिल्ह्यांतील १२ लाख २३ हजार ४६८ शेतकऱ्यांनी ९ लाख ९९ हजार ४५१ अर्जाद्वारे सुमारे ४ लाख ७३ हजार २८२.७१ हेक्टर क्षेत्र विमा संरक्षित केले आहे.

दुसरीकडे लातूर, धाराशिव, नांदेड, परभणी व हिंगोली या पाच जिल्ह्यांतील ९ लाख २२ हजार ३३२ शेतकऱ्यांनी १२ लाख ३० हजार २८४ अर्जाद्वारे सुमारे ८ लाख ४ हजार ७०७ हेक्टर क्षेत्र विमा संरक्षित केले आहे. पीक विमा संरक्षित करण्यासाठी ३१ जुलै ही अंतिम मुदत आहे.

जिल्हानिहाय शेतकरी सहभाग

छत्रपती संभाजीनगर ५,५८,३९४

जालना २,९६,३२४

बीड ३,६८,७५०

लातूर ३३,८८०

धाराशिव २,८५,९३६

नांदेड १,५२,१३२

परभणी ३,५७,३६२

हिंगोली ९३,०२२.

जिल्हानिहाय पीकविमा संरक्षित क्षेत्र (हेक्टरमध्ये)

छत्रपती संभाजीनगर १,३४,९५४.१८

जालना १,१६,००३.४

बीड २,२२,३२५.१३

लातूर १,९४,३३८.४५

धाराशिव १,५३,४००.०६

नांदेड २,२२,४८१.६६

परभणी १,६६,३७४.६९

हिंगोली ६८,११२.३७