Chas News : चास तसेच पापळवाडी परिसरात ज्या ठिकाणी खरीप पिकांच्या काढणी झाल्या आहेत त्या ठिकाणी रब्बी हंगामातील कांदा लागवडींना वेग आला आहे. चांगले वातावरण व कांद्याच्या रोपांची वाढही चांगली झालेली असल्याने यंदा कांदा रोपांचा लागवडीसाठी तुटवडा जाणवणार नसल्याचे चित्र आहे.
खेड तालुक्यात रब्बी हंगामात जवळपास सहा हजार दोनशे हेक्टर क्षेत्रावर कांद्याची लागवड केली जाते. चास कमान, कळमोडी व भामा आसखेड धरणामुळे सुजलाम्‌ सुफलाम्‌ झालेल्या खेड तालुक्यात रब्बी हंगामात सगळ्यात जास्त प्रमाणात कांदा या पिकाची लागवड केली जाते.
चालू वर्षी कांदा पिकाच्या बाजारभावाने सर्वसामान्यांच्या डोळ्यात पाणी आणलेले असले तरी शेतकऱ्यांसाठी चांगला बाजारभाव कांद्याला मिळत असल्याने कांदा लागवडीचे क्षेत्र मोठ्या प्रमाणावर वाढण्याची अपेक्षा आहे. जवळपास संकेतही तसेच असून ज्या ठिकाणी खरिपाच्या काढणी झालेल्या आहेत तेथे कांदा लागवड होताना दिसते आहे.
या बाबत माहिती देताना कृषी विभागाचे कृषी पर्यवेक्षक विठ्ठल राऊत यांनी सांगितले, की खेड तालुक्यात ६२०० हेक्टर क्षेत्रावर कांद्याची लागवड केली जाते मात्र चालू वर्षी या क्षेत्रात वाढ होण्याची शक्यता असून आत्तापर्यंत तीन हजार दोनशे सव्वीस हेक्टर क्षेत्रावर कांदा लागवड पूर्ण झालेली आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.