Onion Traders Strike : कांद्याचे लिलाव आजही बंदचं!, पालकमंत्र्यांनी बोलावली तातडीची बैठक

Nashik News : कांदावर निर्यात शुल्क लागू केल्याच्या निषेधार्थ नाशिकमधील कांदा व्यापाऱ्यांनी बुधवारपासून लिलाव बंदचा निर्णय घेतला. त्यामुळे जिल्ह्यातील १५ बाजार समित्यांमधील कांदा लिलाव सलग दुसऱ्या दिवशी बंदच राहिला आहे. कांद्याची उलाढाल ठप्प झाल्याने कोट्यावधी रुपयांचे नुकसान झाले.

'ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा

देशांतर्गत बाजारपेठेतील दर नियंत्रित ठेवण्यासाठी मागील महिन्यात केंद्र सरकारने कांद्यावर ४० टक्के निर्यात शुल्क लागू करण्यात आले. तसेच नाफेड आणि ‘एनसीसीएफ’च्या माध्यमातून कांदा खरेदीला सुरुवात केली. या निर्णयाच्याविरोधात शेतकरी रस्त्यावर उतरले. तसेच व्यापाऱ्यांनी पाठिंबा देत ३ दिवस जिल्ह्यातील लिलाव बंद पाडले होते. केंद्रीय राज्यमंत्री भारती पवार यांनी मध्यस्थी केल्यानंतर आंदोलन मागे घेण्यात आले होते

केंद्राने आपला निर्णय कायम ठेवत केला. तसेच नाफेड आणि ‘एनसीसीएफ’ने खरेदी केलेला ५ लाख मेट्रिक टन कांदा बाजारात आल्याने कांद्याचे दर पडले आहेत. त्यामुळे व्यापाऱ्यांच्या मालास मागणी नसल्याचा दावा व्यापारी संघटनेने करत लिलाव बंद करण्याचा निर्णय घेतला. त्यामुळे मागील दोन दिवसांपासून नाशिकमधील १५ बाजार समिती आणि उपसमितीमध्ये कांद्याचे लिलाव बंद पडले आहेत. त्यामुळे कोट्यावधीचे व्यवहार ठप्प झाले.

नाशिकचे पालकमंत्री दादा भुसे यांनी जिल्हाधिकारी कार्यालयात कांदा व्यापाऱ्यांची तातडीची बैठक बाेलावली आहे. दरम्यान, पणनमंत्री अब्दुल सत्तार यांनी लिलावात सहभागी न होणाऱ्या व्यापाऱ्यांवर कारवाई करण्याचे आदेश काढले आहेत. लासलगाव बाजार समितीच्या संचालक मंडळाची बैठक सुरू आहे.