Kolhapur News : शेती उत्पन्न बाजार समितीच्या परवानाधारक व्यापाऱ्यांकडून बाजार समितीचा कर चुकवून निघालेले काजू मालाचे ट्रक बाजार समितीने आपल्या ताब्यात घेतले. अंदाजे साडेतीन कोटींचा हा काजू आहे. या काजू मालाचा कर भरावा व माल घेऊन जावे, अशा शब्दांत बाजार समितीचे सभापती सूर्यकांत पाटील यांनी व्यापाऱ्याला सांगितले आहे.
शेती उत्पन्न बाजार समितीच्या शाहू मार्केट यार्डात दोन ट्रक भरून काजू माल आला असल्याची माहिती सभापती पाटील यांना मिळाली. त्यानंतर त्यांनी समितीतील कर विभागाकडून माहिती घेतली असता काजूचा कर जमा झाला नसल्याचे समजले. तेव्हा बाजार समितीच्या कर्मचाऱ्यामार्फत कर न भरता ट्रक निघाले असल्याची खात्री करून घेतली.
यानंतर बाजार समितीचे संचालक व सचिव यांच्यासह पथकाने जाऊन काजू भरलेले ट्रक थांबवले. तेव्हा संबंधित व्यापाऱ्याला बोलवून घेतले त्यांच्याकडे कर भरल्याच्या पावत्या आहेत का, अशी विचारणा केली. मात्र पावत्या, कागदपत्रे दाखविली नसल्याने कर भरला नसल्याचे उघड झाले.
तेव्हा ट्रक बाजार समितीत आवारात आणून लावण्यात आले. बाजार समितीने घेतलेल्या माहितीनुसार, कर्नाटकातून काजू आणला असल्याचे उघड झाले. हाच माल बाहेरच्या जिल्‍ह्यात पाठवला जात होता.
नियमानुसार या खरेदी व्यवहारांची नोंद बाजार समिती न करता, कर न भरता बाजार समितीची आर्थिक फसवणूक केली जात होती. म्हणून बाजार समितीच्या पथकाने काजू मालासह ट्रक ताब्यात घेतले. सभापती पाटील यांच्यासह सुयोग वाडकर, शेखर देसाई, नाना कांबळे, सचिव तानाजी दळवी, उपसचिव वसंत पाटील यांनी कारवाईत सहभाग घेतला.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.