Mahatma Phule Jayanti : महात्मा फुले यांची जयंती राज्यभरात उत्साहात साजरी

Pune News : महात्मा जोतिबा फुले यांची जयंती राज्यभरात मोठ्या उत्साहात साजरी करण्यात आली. ठिकठिकाणी विविध उपक्रम राबवून त्यांना अभिवादन करण्यात आले.

पुण्यात गंजपेठेतील फुले वाड्यातील फुले दांपत्यांच्या स्मारकाला अभिवादन करण्यासाठी अनुयायांची मोठी गर्दी झाली होती.

अनुयायांच्या गर्दीने फुले वाडा गजबजून गेला होता. गुरुवारी (ता.११) सकाळपासून विविध सामाजिक संस्था, संघटनांच्या कार्यकर्त्यांनी फुले दांपत्यांच्या पुतळ्याला पुष्पहार अर्पण करून अभिवादन केले.

फुले, शाहू, आंबेडकर यांचे विविध साहित्य, पुस्तक विक्रीच्या स्टॉलवर तरूणांनी गर्दी केली. फुले दांपत्याची वेशभूषा करून विद्यार्थी-विद्यार्थिनी त्यांना अनोखी मानवंदना दिली. या निमित्ताने महाप्रसादाचे आयोजन करण्यात आले. याचा लाभ शेकडो अनुयायांनी घेतला.