Maharashtra Forecast News : बंगालच्या उपसागरातील कमी दाबाचे क्षेत्र पूरक ठरल्याने पावसाला पोषक हवामान झाले आहे. राज्यात ढगाळ हवामानसह तुरळक ठिकाणी हलक्या सरींनी हजेरी लावली आहे. आज (ता.२१) विदर्भात विजांसह पावसाचा अंदाज आहे. तर उर्वरित राज्यात हलक्या पावसाची शक्यता हवामान विभागाने वर्तविली आहे.
ईशान्य मध्यप्रदेश आणि परिसरावर कमी दाबाचे क्षेत्र सक्रिय आहे. त्याला लागूनच समुद्र सपाटीपासून ५.८ किलोमीटर उंचीपर्यंत चक्राकार वारे वाहत आहेत. मॉन्सूनचा आस असलेला कमी दाबाचा पट्टा सर्वसाधारण स्थितीत आला आहे. मॉन्सूनचा आस जैसलमेर, कोटा कमी दाबाचे केंद्र, रायपूर, गोपालपूर ते पूर्व मध्य बंगालच्या उपसागरापर्यंत सक्रिय आहे.
राज्यात ढगाळ हवामान होत असून, काही ठिकाणी हलक्या ते मध्यम पावसाने हजेरी लावली आहे. आज (ता. २१) विदर्भात विजांसह पावसाचा इशारा देण्यात आला आहे. कोकणात तुरळक ठिकाणी जोरदार पावसाचा, तर उर्वरित राज्यात ढगाळ हवामानासह हलक्या पावसाचा अंदाज हवामान विभागाने वर्तविला आहे.
बुलडाणा, अकोला, अमरावती, वाशीम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली.
सांगली, नाशिक, सोलापूर, परभणी, हिंगोली, बीड, लातूर, भंडारा, गोंदिया, वर्धा, यवतमाळ, अमरावती, कोल्हापूर, रत्नागिरी.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
