Nanded News: केंद्र शासनाच्या हमीभावानुसार सुरू झालेल्या शासकीय सोयाबीन खरेदीची मुदत ३१ जानेवारीला संपत आहे. यामुळे शेतकऱ्यांनी सोयाबीन विक्रीसाठी आणलेल्या वाहनांच्या रांगा खरेदी केंद्रांवर मोठ्या संख्येने लागल्या आहेत. आगामी दोन दिवसांत सोयाबीन खरेदी होणे शक्य नसल्याने खरेदीची मुदत वाढविण्याची मागणी शेतकरी करीत आहेत.
सोयाबीनला बाजारात दर नसल्यामुळे शेतकऱ्यांनी शासनाच्या खरेदी केंद्रावर देण्यासाठी विक्रीपूर्व नोंदणी केली. जिल्ह्यात एनसीसीएफ या केंद्रीय एजन्सीकडून पणन, व्हीसीएमएफ व शेतकरी उत्पादक कंपन्यांच्या राज्यस्तरीय एजन्सीकडून नांदेड जिल्ह्यात ३५ ठिकाणी सोयाबीनचे किमान हमीदर खरेदी केंद्र सुरू केले.
सोयाबीन खरेदीसाठी शेतकरी नोंदणी १ ऑक्टोबरपासून सुरू झाली. या खरेदी केंद्रावर शेतकऱ्यांनी सोयाबीन विक्रीपूर्व नोंदणी केली. १५ ऑक्टोबरपासून सुरू करण्यात आली. नांदेड जिल्ह्यात महाराष्ट्र राज्य सहकारी पणन महासंघ, मुंबई, दी विदर्भ सहकारी पणन महासंघ, नागपूर, दी विदर्भ को-ऑपरेटिव्ह मार्केटिंग फेडरेशनद्वारे तीन अशा यंत्रणाकडून जिल्ह्यात ३५ पेक्षा अधिक खरेदी केंद्रावर सोयाबीन खरेदी होत आहे.
दरम्यान, खरेदीसाठी १५ जानेवारीपर्यंत मुदत होती. यात वाढ करून ३१ जानेवारी अंतिम मुदत दिली आहे. परंतु या कालावधीत अर्ध्यापेक्षाही अधिक शेतकऱ्यांचे सोयाबीन केंद्रावर टाकणे शिल्लक आहे. खरेदीची मुदत संपत जवळ आल्याने अनेक खरेदी केंद्रावर वाहनांच्या रांगा लागल्या आहेत. अनेक खरेदी केंद्रावर शेतकरी आठ-आठ दिवस मुक्कामी आहेत. खरेदी केंद्रावरून शासनाच्या गोडाउनला सोयाबीन पोहोचविणाऱ्या गाड्यांच्याही रांगा लागल्या आहेत. यामुळे खरेदी केंद्र चालकांना लवकर गाड्या मिळत नाहीत. परिणामी, शेतकऱ्यांचा मालाचे वजन होत नाहीत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
