Latest Marathi News : देशवंडी (ता. सिन्नर) येथील घाटमळात शेतकऱ्यांनी रात्री बिबट्या पाहिला अन् घबराट निर्माण झाली. शेतकऱ्यांनी हातात बॅटऱ्या घेऊन बिबट्याची शोधाशोध केली, तर सिन्नरच्या वन विभागाच्या कर्मचाऱ्यांची पळापळ झाली.
घाटमळ्यातील शेतकरी भगवान बर्के यांच्या तीन शेळ्यांची सावज हेरून शिकार केली. त्यातील एक शेळी मक्याच्या पिकात ओढून नेले होते.
ते भक्ष्य पुन्हा शोधण्यासाठी बिबट्या आला होता. भगवान बर्के परिवाराने गुरुवारी (ता. ६) रात्री साडेदहाला बिबट्या पाहिले. त्यांनी इतर शेतकऱ्यांना भ्रमणध्वनीवरून कळविले. बिबट्याला पळवून लावण्यासाठी हातात टेंभे, मिरचीचा धूर अन् बॅटरीचा प्रकाश शेतकऱ्यांनी शिवारात चमकविला.
मक्याच्या शेताकडे जाताना बिबट्या मोबाईलमध्ये चित्रीत झाला. तत्काळ सिन्नरच्या वन विभागाच्या गस्ती पथकाला बोलविण्यात आले. वन विभागाचे कर्मचारी आले, तोपर्यंत बिबट्याने मकातून पलायन केले. सर्वांनी दोन तासांपुढे शोध घेतला, पण बिबट्या आढळला नाही. देशवंडीकरांना वनरक्षक संजय गिते यांनी धीर दिला.
बिबट्याला पुन्हा शोधताना फटाके वाजविऱ्यात आले व मिरचीचा धूरही करण्यात आला. हे प्रयोग त्याला पुन्हा शोधताना झाले. हा दिसलेला बिबट्या दुसरा आहे. तेथे वन विभाग पिंजरा लावणार आहे. नायगाव शिवारातील कडवा पाटालगत जेजुरकर मळ्यात नर-मादी बिबट्या दिसले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.