Nagpur News: सहाय्यक कृषी अधिकाऱ्यांसाठी लॅपटॉपचे वितरण हे लबाडाचे अवतण ठरले आहे. त्या पार्श्वभूमीवर येत्या काळात या मुद्द्यावर सहाय्यक कृषी अधिकारी संघटना व कृषी आयुक्तालय यांच्यामध्ये संघर्षाची धार अधिक तीव्र होण्याचे संकेत आहेत..कृषी विभागाकडून शेतकरी हिताच्या २३ पेक्षा अधिक योजनांची अंमलबजावणी केली जाते. यातील बहुतांश योजना ऑनलाइन आहेत. त्याकरिता प्रशासकीय मंजुरी संदर्भात असलेल्या प्रक्रिया देखील ऑनलाइन पद्धतीनेच पार पाडाव्या लागतात. सहाय्यक कृषी अधिकारी यांनी प्रक्षेत्र भेट दिल्यानंतर संबंधित संसाधनाची उपलब्धता किंवा त्या योजनेचा लाभ संबंधित शेतकऱ्याने घेतला आहे किंवा नाही याची पडताळणी केली जाते..Agriculture Officers: कृषी अधिकाऱ्यांना मिळणार १३२७५ लॅपटॉप.त्या आधारे जीपीएस नोंद घ्यावी लागते व तसा अहवाल छायाचित्रासह ऑनलाइन अपलोड करावा लागतो. ही सर्व कामे सहायक कृषी अधिकाऱ्यांना त्यांच्या वैयक्तिक मोबाईलच्या माध्यमातून किंवा कार्यालयातील संगणकावर पार पाडावी लागतात. मात्र बऱ्याचदा विजेची उपलब्धता नसणे व इतर कारणांमुळे यात अडचणी निर्माण होतात. प्रशासकीय कामकाजात सुलभता यावी याकरिता सहाय्यक कृषी अधिकाऱ्यांना तलाठ्यांच्या धर्तीवर लॅपटॉप दिले जावे अशी मागणी सहायक कृषी अधिकाऱ्यांच्या संघटनेकडून केली जात आहे..Agricultural Officers Issue : सहायक कृषी अधिकारी संघटनेचा सिम कार्ड स्वीकारण्यास नकार.मागणीच्या पूर्ततेसाठी अनेकदा निवेदन देण्यात आली. काम बंद व असहकार आंदोलनाचा मार्गही पत्करण्यात आला. या लढ्याची दखल घेत अखेरीस नमलेल्या प्रशासनाने लॅपटॉप खरेदीला मान्यता दिली. त्यानंतर निविदा प्रक्रिया राबविण्याचे देखील जाहीर करण्यात आले. याला दीड ते दोन महिन्यांचा कालावधी लोटूनही अद्याप लॅपटॉप खरेदी संदर्भात कोणत्याच हालचाली नाहीत. त्यावरूनच सहायक कृषी अधिकाऱ्यांसाठी लॅपटॉप देण्याचे धोरण हे लबाडाच्या अवतानासारखे ठरले आहे. यावरून अधिक तीव्र होण्याची शक्यता वर्तवली जात आहे..लॅपटॉप पुरवठा संदर्भात शासनाकडून दिरंगाई होत आहे. त्या पार्श्वभूमीवर संघटनेने ९ नोव्हेंबरपासून ऑनलाइन कामकाजावर बहिष्कार घातला आहे. परंतु आंदोलनापूर्वीच काही योजनांची संबंधित ऑनलाइन कामे पूर्णत्वास गेली आहेत. त्यामुळे कामकाजावरील बहिष्कारचा तूर्तास प्रभाव दिसत नसला तरी येत्या तीन-चार दिवसांत हा प्रभाव दिसून येईल.- विलास रिंढे, राज्य अध्यक्ष, सहाय्यक कृषी अधिकारी संघटना..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
