Fruit Crop Insurance : पुनर्रचित हवामान आधारित फळपीक विमा, डाळिंबासाठी १४ जुलैची मुदत

Solapur News : पुनर्रचित हवामान आधारित फळपीक विमा योजना २०२४-२५ अंतर्गत खरीप हंगामासाठी एक जून २०२४ पासून फळपीक विमा भरण्यास सुरुवात झालेली असून, त्यात डाळिंब, चिकू, संत्रा, पेरू, लिंबू व सीताफळ या पिकांसाठी जिल्ह्यातील शेतकरी फळपीक विमा भरू शकतात. त्यात सोलापूर जिल्ह्याच्या दृष्टीने महत्त्वाच्या असणाऱ्या डाळिंबासाठी १४ जुलै ही शेवटची मुदत देण्यात आली आहे.

फळपीक विमा योजनेत पेरू ३५०० विमा हप्ता, ७० हजार रुपये संरक्षित रक्कम, लिंबू ४ हजार विमा हप्ता, ८० हजार रुपये विमा संरक्षित रक्कम इतकी आहे. विमा संरक्षित कालावधी १५ जून १५ ऑगस्ट २०२४ असून, विमा भरण्याची अंतिम मुदत २५ जून २०२४ पर्यंत, चिकूसाठी ३५०० रुपये विमा हप्ता, विमा संरक्षित रक्कम ७० हजार रुपये विमा संरक्षित कालावधी एक जुलै ते ३० सप्टेंबर २०२४,

संत्रा ५ हजार रुपये विमा हप्ता, विमा संरक्षित रक्कम एक लाख रुपये विमा भरण्याची अंतिम मुदत ३० जून २०२४ असून, विमा संरक्षित कालावधी १५ जून ते १५ ऑगस्ट २०२४, डाळिंब आठ हजार रुपये विमा हप्ता, एक लाख ६० हजार विमा संरक्षित रक्कम, विमा भरण्याची अंतिम मुदत १४ जुलै २०२४ असून,

विमा संरक्षित कालावधी १५ ऑगस्ट ते ३१ डिसेंबर २०२४ इतका आहे. सीताफळसाठी ३ हजार ५०० रुपये विमा हप्ता, ७० हजार रुपये विमा संरक्षित रक्कम असून, विमा भरण्याची अंतिम मुदत ३१ जुलै २०२४ आहे. विमा संरक्षित कालावधी १ ऑगस्ट ते ३० नोव्हेंबर २०२४ इतका असणार आहे.