Amaravati News : ज्वारीची खरेदी न झाल्याने शेतकऱ्यांना होणारा त्रास दूर करण्याच्या दृष्टीने खासदार बळवंत वानखडे यांनी जिल्ह्याचे पालकमंत्री चंद्रशेखर बावनकुळे यांची भेट घेतली. त्यामुळे हा विषय लवकरच मार्गी लागणार असल्याचे संकेत आहेत.
जिल्ह्यात रब्बी हंगामात बहुतांश शेतकऱ्यांनी ज्वारीचे पीक घेतले होते. रब्बी हंगाम चांगला असल्याने ज्वारीचे उत्पादनदेखील चांगले झाले. ज्वारी विकण्याकरिता ज्वारी उत्पादक शेतकऱ्यांनी जिल्हा मार्केटिंग फेडरेशनकडे नोंदणी केली होती.
परंतु खरेदी प्रक्रिया सुरू न झाल्याने ज्वारी उत्पादक शेतकऱ्यांनी खासदार वानखडे यांच्याकडे खरेदी सुरू करण्याची मागणी केली होती. श्री. वानखडे यांनी पालकमंत्री बावनकुळे यांची प्रत्यक्ष भेट घेऊन शेतकऱ्यांनी नोंदणी करण्यात आलेल्या ज्वारीची खरेदी तत्काळ करण्याची लेखी पत्राद्वारे मागणी केली.
यावेळी पालकमंत्र्यांनी पणन विभागाच्या सचिवांसमवेत मंत्रालयात बैठक घेऊन ज्वारी खरेदीबाबत तोडगा काढण्याचे आश्वासित केले. ज्वारी या पारंपरिक पिकाकडे यंदाच्या रब्बी हंगामात शेतकरी आवडीने वळले आहेत.
जिल्ह्यातील बहुतांश शेतकऱ्यांनी रब्बीत ज्वारीचे मोठ्या प्रमाणात उत्पादन घेतले होते. सामान्य खासगी बाजारपेठेत ज्वारीला १२०० ते १५०० एवढा भाव मिळत असून २०२४-२५ चा शासनाच्या हमी भावानुसार संकरित ज्वारीला ३१८० आणि मालदांडी ज्वारीला ३२२५ एवढा हमीभाव आहे. त्यामुळे ज्वारी उत्पादक शेतकऱ्यांचा कल शासकीय खरेदीकडे जास्त आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.