Hingoli News : जिल्हा वार्षिक योजनेच्या निधीतून हिंगोली जिल्ह्यातील सिंचन क्षेत्र वाढविण्यासाठी कोल्हापुरी पद्धतीचे बंधाऱ्याची (केटीवेअर) कामे करावीत. सर्व कार्यालय प्रमुखांनी जिल्हा वार्षिक योजनेअंतर्गतची प्रलंबित कामे तत्काळ पूर्ण करावीत, असे निर्देश जिल्हाधिकारी राहुल गुप्ता यांनी दिले.
जिल्हाधिकारी कार्यालयाच्या सभागृहात जिल्हाधिकारी राहुल गुप्ता यांच्या अध्यक्षतेखाली जिल्हा वार्षिक योजनेचा आढावा गुरुवारी (ता. ८) घेण्यात आला. त्या वेळी ते बोलत होते. अतिरिक्त मुख्य कार्यकारी अधिकारी अनुप शेंगुलवार, जिल्हा नियोजन अधिकारी ग. गो. चितळे, उपमुख्य कार्यकारी अधिकारी गणेश वाघ, केशव गड्डापोड यांची प्रमुख उपस्थिती होती.
जिल्हाधिकारी राहुल गुप्ता यांनी २०२३-२४ मधील दायित्वाची कामे वेळेत पूर्ण होणे आवश्यक आहे. दायित्वाची रक्कम खर्च केलेल्या कामाची माहिती सर्व विभागांनी सोमवार (ता. १२) पर्यंत सादर करावी. वेळेत काम पूर्ण न करणाऱ्या कंत्राटदारांना काळ्या यादीत टाकावे.
दायित्वाची रक्कम खर्च न केलेल्या विभाग प्रमुखांवर शिस्तभंगाची कार्यवाही करावी. २०२५-२६ पर्यंत संपणाऱ्या कामाची सद्यःस्थितीची माहिती देऊनच निधीची मागणी करावी. पटसंख्या जास्त व मोठे मैदान उपलब्ध असलेल्या जिल्हा परिषद शाळेसाठी क्रीडा साहित्य उपलब्ध करून देण्यासाठी प्रस्ताव सादर करावेत.
सर्व कार्यालय प्रमुखांनी जिल्हा वार्षिक योजनेअंतर्गत २०२४-२५ साठी वितरित केलेल्या निधीतील प्रलंबित कामे तत्काळ पूर्ण करोवत. केलेल्या कामाचा ताळमेळ तत्काळ पूर्ण करून उपयोगिता प्रमाणपत्रासह अहवाल सादर करावा. एकमेकांशी समन्वय ठेवून निधी खर्च करण्याबाबत कार्यवाही करावी व त्याचा अहवाल जिल्हाधिकारी कार्यालयास सादर करावा.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.