Pune News: गेल्या दोन दिवसांपासून पुणे जिल्ह्याच्या पश्चिम पट्ट्यात पावसाने पुन्हा जोर धरला आहे. अनेक ठिकाणी जोरदार पाऊस पडत आहे. सोमवारी (ता. ७) सकाळी आठ वाजेपर्यंत आंबेगावमधील घोडेगाव येथे ८९ मिलिमीटर पाऊस पडल्याची नोंद झाली. पावसामुळे धरणात वेगाने वाढ होत असून पाण्याचा विसर्ग सोडण्यात येत आहे.
गेल्या आठ दिवसांपासून पावसाचा जोर कमीअधिक होत आहे. परंतु घाटमाथ्यावर मुसळधार पाऊस कोसळत आहे. त्यामुळे ओढे, नाले ओसंडून वाहत असून भात खाचरे तुंडूब भरले आहे. सततच्या पावसामुळे शेतकऱ्यांना भात लागवडीसाठी आवश्यक असलेली चिखलणीचे कामे रेंगाळली आहे. तर अनेक ठिकाणी भात लागवडी झालेल्या नसल्याने पावसाचा भात पिकांच्या लागवडीसाठी फटका बसण्याची शक्यता असल्याचे शेतकरी सांगत आहे.
जिल्ह्यातील हवेली तालुक्यातील केशवनगर, कोथरूड, खडकवासला येथे ४८ मिलिमीटर पाऊस पडला. तर चिंचवड येथे २० मिलिमीटर पाऊस पडला असून थेऊर, उरुळीकांचन, खेड, भोसरी, कळस, हडपसर, पुणे वेधशाळा, वाघोली, अष्टापूर या भागात पावसाच्या अधूनमधून सरी बरसल्या.
मुळशीतील माले येथे ६३ मिलिमीटर, पिरंगुट ४८, पौड, घोटावडे ५९ मिलिमीटर, तर थेरगाव, कासार आंबोली, सावरगाव, कोळवण, माण येथे पावसाच्या हलका ते मध्यम पाऊस झाला. भोरमधील भोलावडे, नसरापूर, आंबवडे, निगुडघर येथे ७४ मिलिमीटर, तर भोर, संगमनेर २६ मिलिमीटर, तर किकवी, वेळू, हर्नास येथे हलका पाऊस झाला.
मावळमधील मुठे येथे ८४, लोणावळा ८०, तर कार्ला येथे ७२ मिलिमीटर, वडगाव मावळ, तळेगाव २८, काले ४६, खडकाळा ३९, शिवणे ४९ मिलिमीटर पाऊस झाला असून परिंदवाडी, ताकवे, वाडेश्वर, कुसगाव, ताकवे तुरळक सरी कोसळल्या. वेल्ह्यातील आंबवणे येथे ७१ मिलिमीटर, तर वेल्हा ६३, पानशेत, विंझर ६१ मिलिमीटर पाऊस झाला.
जुन्नरमधील जुन्नर, नारायणगाव, वडगाव आनंद, निमगाव सावा, बेल्हा, राजूर, डिंगोरे, आपटाळे, ओतूर, वडज, ओझर अशा मंडळात हलका पाऊस झाला. खेडमधील कुडे मंडळात ५९ मिलिमीटर, तर वाडा २९, राजगुरुनगर ३९, पाईट २८, चाकण २० मिलिमीटर, तर आळंदी, पिंपळगाव, कन्हेरसर, कडुस, वेताळे, करंजविहीरे मंडळात पावसाच्या तुरळक सरी पडल्या. आंबेगावमधील घोडेगाव येथे ८९ मिलिमीटर, आंबेगाव, कळंब, पारगाव, मंचर, निरगुडसर येथे अधूनमधून सरी कोसळल्या.
पूर्व पट्ट्यात पावसाची उघडीप
पूर्व भागात पावसाचा जोर कमी होता. तर अनेक ठिकाणी पावसाची उघडीप होती. शिरूरमधील टाकळी, वडगाव, न्हावरा, मलठण, तळेगाव, रांजणगाव, कोरेगाव, पाबळ, शिरूर, निमोणे, बारामतीतील माळेगाव, पणदरे, वडगाव, लोणी, सुपा, मोरगाव, उंडवडी, शिर्शुफळ, इंदापूरातील भिगवण, इंदापूर, लोणी, बावडा, काटी, निमगाव, अंथुर्णी, सणसर, पळसदेव, लाखेवाडी, दौंडमधील देऊळगाव, पाटस, यवत, कडेगाव, राहू, वरवंड, रावणगाव, दौंड, बोरी भडक, खामगाव, वडगाव बांदे, पारगाव, बोरी पार्धी,
गिरीम, कुरकुंभ, पुरंदरमधील सासवड, भिवंडी, कुंभारवळण, जेजुरी, परिंचे, राजेवाडी, वाल्हा, शिवरी मंडलात ढगाळ वातावरण कायम होते. तर अधूनमधून पावसाचा शिडकावा होत होता. पावसामुळे या भागात पेरण्या अंतिम टप्प्यात असून अनेक ठिकाणी पीके उगवून वर आली आहे. पावसामुळे पिकांची उगवण चांगली असल्याने शेतकऱ्यांमधून समाधान व्यक्त होत आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.