Gulabrao Patil : '...तर राजीनामा द्यायची तयारी'; दूध संघाच्या कार्यशाळेत गुलाबराव पाटील भडकले

Jalgaon Milk Sangh : जळगाव जिल्हा दूध संघाच्या वतीने शेतकऱ्यांसाठी कार्यशाळेचं आयोजन करण्यात आले होते. याच कार्यशाळेत दूध उत्पादक शेतकऱ्यांच्या समस्या सुटल्या नाहीत असा आरोप मंत्री गुलाबराव पाटील यांनी केला आहे.
Gulabrao Patil
Gulabrao PatilAgrowon
Published on
Updated on

Pune News : जळगाव जिल्हा दूध संघाच्या कारभारावर राज्याचे पाणी पुरवठा व स्वच्छता मंत्री तथा जळगावचे पालकमंत्री गुलाबराव पाटील यांनी थेट बोट ठेवताना संताप व्यक्त केला आहे. दूध उत्पादक शेतकऱ्यांच्या समस्या सोडवल्या जात नसून शेतकऱ्यांच्या समस्यांकडे दुर्लक्ष केलं जात आहे. सत्ता असूनही दूध उत्पादक शेतकऱ्यांच्या समस्या सुटत नसतील तर राजीनामा द्यायची आपली तयारी असल्याचे गुलाबराव पाटील यांनी म्हटले आहे. तसेच भाजपचे आमदार मंगेश चव्हाण यांच्या अध्यक्षतेखाली असणाऱ्या दूध संघावर संघाच्या कारभारावर बोट ठेवले आहे. सत्तेत सहभागी असणाऱ्या महायुतीतील दोन पक्षांच्या नेत्यांमध्ये आता जिल्ह्यात वार प्रतिवार होत आहेत. तर सत्ताधारी भाजपला मंत्री गुलाबराव पाटील यांनी इशारा यांनीच घरचा आहेर दिला आहे. यावेळी जिल्हा दूध संघाचे अध्यक्ष भाजप आमदार मंगेश चव्हाण बैठकीला उपस्थित नव्हते.

जळगाव जिल्हा दूध उत्पादक सहकारी संस्थेत तीन मंत्री संचालक असून येथे दूध उत्पादक शेतकऱ्यांच्या समस्या सोडवल्या जात नसल्याने टीका होत होती. यावरून दूध संघाच्या बैठकीतच संताप व्यक्त करताना गुलाबराव पाटील यांनी दूध संघांच्या अध्यक्षांसह प्रशासकीय अधिकाऱ्यांना जाब विचारला. संघाच्या अधिकाऱ्यांना धारेवर धरत शेतकऱ्यांचे दूध घेतलं जात नसल्याचा आरोप केला.

Gulabrao Patil
Gulabrao Patil : केळीसह उसाला फळाचा दर्जा आणि उत्तर महाराष्ट्र महामंडळ स्थापनेची मागणी केंद्राकडे करणार : गुलाबराव पाटील

यावेळी गुलाबराव पाटील यांनी, शेतकऱ्यांना वेळेवर अनुदान दिले जात नाही, शेतकऱ्यांच्या समस्यांकडे दुर्लक्ष केलं जात आहे. जर शेतकऱ्यांच्या समस्यांकडे दुर्लक्ष होत असेल तर सत्ता काय कामाची असा सवाल अधिकाऱ्यांना केला. तर शेतकऱ्यांचेच प्रश्न, त्यांच्या समस्या सुटत नसतील तर संचालक मलाही राहायचे नाही. मी राजीनामा देण्यास तयार असल्याचे गुलाबराव पाटील यांनी सांगितले.

Gulabrao Patil
Gulabrao Patil : ऊसतोड मजूरांच्या प्रश्नांवर मार्गी लागणार : गुलाबराव पाटील

भाजप आमदार चव्हाण- गुलाबराव पाटील वाद पेटला

भाजप आमदार मंगेश चव्हाण यांच्या अध्यक्षतेखाली जळगाव जिल्हा सहकारी दूध संघ सुरू आहे. याच दूध संघात गुलाबराव पाटील संचालक आहेत. याच्याआधी मात्र गुलाबराव पाटील यांनी दूध संघाच्या कारभारावर काहीच बोलले नव्हते. मात्र चव्हाण यांनी जिल्हा नियोजन समितीच्या बैठकीत गुलाबराव पाटील यांना कोंडीत पकडल्याने वाद वाढला. यानंतर आता दूध संघाच्या बैठकीची वेळ साधून गुलाबराव पाटील यांनी दूध संघाच्या कारभारावर बोट ठेवले आहे.

सहकार क्षेत्रात गिरीश महाजनांच्या आग्रहाखातर आलो

यावेळी, मी मोठ्या अपेक्षेने सहकारात आलो होतो. दुध संघ वाचावा अशी आमची इच्छा आहे. मात्र, सध्या दूध संघाच्या कारभारात अनेक गफलती आहेत. यात सुधारणा होत नसतील तर राजीनाम्याचा विचार करू, असे गुलाबराव पाटील यांनी म्हटले आहे. तसेच दूध संघात मॅनेजमेंट जरी आमचेच असली तरी त्यातही थोडी गफलत आहे. ज्या अधिकाऱ्यांच्या बदल्या झाल्या किंवा ज्यांना कामावरुन काढले, त्यामुळेच या गोष्टी घडल्या आहेत. तर सहकार क्षेत्रात फक्त गिरीश महाजन व संजय पवार यांच्या आग्रहाखातर आपण आल्याचे गुलाबराव पाटील यांनी म्हटले आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com