Pune News: शेतकऱ्यांना ड्रॅगन फ्रूट, पॅशन फ्रूट आणि स्ट्रॉबेरी लागवडीसाठी एकात्मिक फलोत्पादन विकास अभियानांतर्गत अनुदान मिळवण्याची संधी आहे. महाराष्ट्र शासनाच्या ‘महाडीबीटी’ पोर्टलवर ऑनलाइन अर्ज करून शेतकरी या योजनेचा लाभ घेऊ शकतात.
यंदा ‘प्रथम अर्ज, प्रथम प्राधान्य’ तत्त्वानुसार अर्ज मंजूर होणार असून, शेतकऱ्यांना कागदपत्रे सादर करण्यापासून अनुदान वितरणापर्यंतची प्रक्रिया सुलभ करण्यात आली आहे.
शेतकऱ्यांनी https://mahadbt.maharashtra.gov.in या संकेतस्थळावर जाऊन लागवडीसाठी अर्ज करावा. निवड झालेल्या शेतकऱ्यांना त्यांच्या नोंदणीकृत मोबाइलवर संदेश प्राप्त होईल.
त्यानंतर सात दिवसांत बँक खाते तपशील, हमीपत्र आणि इतर कागदपत्रे पोर्टलवर अपलोड करावी. कागदपत्रांची छाननी मंडळ कृषी अधिकारी करून तालुका कृषी अधिकाऱ्यांना शिफारस करतील. तालुका कृषी अधिकारी ऑनलाइन प्रणालीद्वारे पूर्वसंमती पत्र देतील.
पूर्वसंमती मिळाल्यावर शेतकऱ्यांना १५ दिवसांत लागवड सुरू करावी लागेल आणि काम पूर्ण झाल्यावर देयके अपलोड करावी लागतील. मंडळ कृषी अधिकारी आठ दिवसांत प्रकल्पस्थळी जाऊन तपासणी करून अहवाल सादर करतील. त्यानंतर तालुका कृषी अधिकारी आणि जिल्हा अधीक्षक कृषी अधिकारी यांच्या शिफारसीनुसार ‘सॅन स्पर्श’ प्रणालीद्वारे अनुदान वितरित होईल.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.