.jpg?w=480&auto=format%2Ccompress&fit=max)
Kolhapur News : ‘केंद्र व राज्य शासन मत्स्यशेती, व्यवसाय वाढीसाठी प्रयत्नशील आहे. मच्छीमार व गोसावी समाजाने जीवनमान उंचावण्यासाठी मत्स्य व्यवसाय जोमाने करावा, असे आवाहन आमदार डॉ. विनय कोरे यांनी केले.
मत्स्यव्यवसाय विभाग राज्य शासन व सुराज्य फाउंडेशनतर्फे पन्हाळा व शाहूवाडी तालुक्यांतील मच्छीमार, मत्स्यपालक व मत्स्यसंवर्धकांसाठी पश्चिम महाराष्ट्रातील मत्स्य व्यवसायाविषयी कार्यशाळा झाली.
या वेळी डॉ. कोरे बोलत होते. कार्यशाळेचे उद्‍घाटन डॉ. कोरे, मत्स्य खात्याचे सहआयुक्त युवराज चौगुले यांच्या हस्ते व प्रादेशिक आयुक्त विजय शिखरे, सहायक आयुक्त शरद कुदळे, इंडो ॲक्वा फिश फीड कंपनीचे अध्यक्ष, उद्योजक विशाल जाधव यांच्या प्रमुख उपस्थितीत झाले.
डॉ. कोरे म्हणाले, भारतात मत्स्य प्रकल्पासाठी २१ हजार कोटींची तरतूद आहे. केंद्र व राज्य शासनाने मत्स्य व्यवसाय व मत्स्य प्रकल्प वाढविण्यासाठी सकारात्मक भूमिका ठेवली आहे. आमदार कोरे यांच्या हस्ते प्रातिनिधिक स्वरूपात पाच जणांना ई-श्रम कार्डचे वाटप झाले. ५०० लोकांचे किसान क्रेडिट कार्ड नोंदणी झाली.
सहायक आयुक्त शरद कुदळे यांनी प्रास्ताविक केले. पुणे विभागाचे प्रादेशिक उपायुक्त विजय शिखरे, जिल्हा नियोजन अधिकारी सुतार, जिल्हा अग्रणी बँकेचे व्यवस्थापक गणेश गोडसे, सांगलीचे अमर पाटील, ‘वसुंधरा’चे प्रमोद माळी, भारत घाडगे, बजरंग गोसावी, अशोक गोसावी, सीताराम गोसावी, भरत गोसावी उपस्थित होते. प्रा. एन. आर. चोपडे यांनी सूत्रसंचालन केले. मत्स्य विभागाचे सतीश खाडे आभार मानले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.