Paddy Crop : पन्हाळा तालुक्यात भाताची चांगली वाढ

Kolhapur News : दरवर्षीपेक्षा या वर्षातील पाऊसमान चांगले राहिल्याने भातासह भुईमूग, सोयाबीन, ज्वारी आणि ऊसपिकांची परिस्थिती चांगली दिसत आहे.

विशेषतः पाऊस हंगामानुसार वेळेवर झाल्याने आणि पिकांना उन्हाच्या झळा न लागल्याने समाधानकारक पिके असल्याच्या बोरपाडळे, मोहरे, माले, मिठारवाडी, काखे आदी गावांतील शेतकऱ्यांच्या प्रतिक्रिया आहेत.

विशेषत: भाताचे पिक जोमात असून हवामानाच्या पूर्व अनुमानानुसार शेतकऱ्यांनी भात पिकावर भर दिला आहे. अधिकाधिक शेतकऱ्यांनी संकरित, आधुनिक तसेच कमी कालावधीच्या भाताच्या वाणावर भर दिला आहे.

मोहरे, शहापूर, माले आणि काखे पाणी सिंचन क्षेत्रातील शेतकऱ्यांनी रोहिणी नक्षत्रावर म्हणजे २५ जूनला भाताची पेरणी साधली होती. बऱ्याच ठिकाणचे भाताचे पीक पोटरीतून बाहेर पडले आहे, तर काही ठिकाणी बाहेर पडण्याच्या मार्गावर आहे.

पावसाचा, हवामानाचा अंदाज खरा ठरल्याने सर्वच पिकांची स्थिती चांगली असून खास करून भाताचे उत्पन्न यावर्षी वाढेल, अशी अपेक्षा बोरपाडळे परिसरातील शेतकऱ्यांना आहे.