Nagpur News : जागतिक बाजारपेठेत कापूस तेजीत असून, ७० ते ७२ हजार रुपये प्रति खंडी असा भाव आहे. त्या तुलनेत भारतात ५८ ते ६० हजार रुपये प्रति खंडी असा दर मिळत आहे. त्या पार्श्‍वभूमीवर जागतिक बाजारातील तेजीचा फायदा देशातील शेतकऱ्यांना मिळावा याकरिता त्यांना निर्यात अनुदान देण्यात यावे, अशी मागणी कापूस प्रश्‍नाचे अभ्यासक तसेच ज्येष्ठ शेतकरी नेते विजय जावंधिया यांनी केली आहे.
जावंधिया यांच्या म्हणण्यानुसार, या आठवड्यात जागतिक कापूस बाजारात तेजीचे वातावरण तयार झाले आहे. ९० ते ९२ सेंट प्रति पाउंड असलेले रुईचे भाव १ डॉलर २ सेंटच्या आसपास पोहोचले आहेत.
या हिशेबाने जागतिक बाजारात प्रति खंडी रुईचे भाव ७० ते ७२ हजार रुपये होतात. दोन वर्षांपूर्वी जागतिक बाजारात १ लाख रुपये खंडी रुईचे भाव होते. ते आज ७० ते ७२ हजार रुपये झाले आहेत. रशिया-युक्रेन तसेच इस्राईल-गाझा युद्धामुळे निर्यात प्रभावित झाली होती. आज वाहतूक खर्च वाढला आहे.
सरकारने ११ टक्‍के आयात कर शून्य केला आहे. भारतातून २०११-१२ मध्ये विक्रमी ८० लाख गाठींची निर्यात झाली. या वर्षीही किमान ४० ते ५० लाख गाठींची निर्यात होऊ शकते. निर्यातीला प्रोत्साहनासाठी केंद्राने कापूस निर्यातीला वाहतूक अनुदानाची मागणी त्यांनी केली.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.