Ashok Chavan : दोन दिवस थांबा म्हणाणारे अशोक चव्हाण २४ तासातच भाजपवासी

Ashok Chavan joined BJP : राज्याच्या राजकारणात आणि समाजकारणात चव्हाण कुटूबांचे मोठे योगदान आहे. माजी मुख्यमंत्री शंकरराव चव्हाण यांनी संकंटकाळात राज्याला सावरण्याचे काम केले. तसाच त्यांचा वारसा गेली चार दशके माजी मुख्यमंत्री अशोक चव्हाण यांनी पुढे नेला आहे. मात्र आता ते भाजपवाशी झाले आहेत.

Ashok Chavan Agrowon

Published on:

13 Feb 2024, 1:46 pm IST

Updated on:

13 Feb 2024, 1:46 pm IST

Pune News : राज्य आणि देशपातळीवर काँग्रेसला पुढे नेणाऱ्या अनेक नेत्यांनी गेल्या काही दिवसात काँग्रेला राम राम ठोकला आहे. याचदरम्यान काल सोमवारी (१२ रोजी) राज्यात मोठा राजकीय भूकंप झाला. राज्याचे माजी मुख्यमंत्री शंकरराव चव्हाण यांचे पुत्र आणि राज्याचे माजी मुख्यमंत्री अशोकराव चव्हाण यांनी थेट काँग्रेस सोडली. यावेळी त्यांनी, "मी दोन दिवसांत माझी भूमिका स्पष्ट करेन", असं ते म्हणाले होते.

मात्र दोन दिवस थांबा म्हणणारे अशोकराव चव्हाण यांनी २४ तासातच भाजपवासी होण्याचा निर्णय घेतला आहे. ते आज मंगळवार (१३ रोजी) दुपारी १ वाजता भाजपमध्ये प्रवेश करणार आहेत. चव्हाण हे देवेंद्र फडणवीस आणि चंद्रशेखर बावनकुळे, अशिष शेलार यांच्या उपस्थितीत भाजपात प्रवेश करणार आहेत. याच्याआधी चव्हाण म्हणाले की, "आज दुपारी १२ ते १२.३० या वेळेत मी माझ्या राजकीय कारकिर्दीची नवी सुरुवात करणार आहे. आज मी भाजपमध्ये प्रवेश करत आहे."

काँग्रेसचे ज्येष्ठ नेते आणि माजी मुख्यमंत्री अशोक चव्हाण यांनी काँग्रेसला धक्का देत आपल्या प्राथमिक सदस्यत्वाचा राजीनामा दिला होता. त्याचबरोबर त्यांनी विधानसभा अध्यक्ष राहुल नार्वेकर यांची भेट घेत आपल्या विधीमंडळ सद्यस्यत्वाचा देखील राजीनामा दिला. यामुळे ते भाजपमध्ये प्रवेश करतील अशा चर्चा सुरू झाल्या होत्या.

ते केंद्रीय गृहमंत्री अमित शाह यांच्या १५ फेब्रुवारीच्या होणाऱ्या राज्याच्या दौऱ्यात प्रवेश करतील असे बोलले जात होते. मात्र या चर्चेच्या दरम्यान चव्हाण आजच भाजपामध्ये प्रवेश करत आहेत. तर त्यांच्यासोबत काँग्रेसचे काही आमदार, नेते आणि पदाधिकारी प्रवेश करतील अशी चर्चा आहे. चव्हाण यांच्या राजीनामानंतर माजी विधान परिषद सदस्य अमरनाथ राजुरकर यांनी देखील काँग्रेस सोडण्याचा निर्णय जाहीर केला होता. ते ही भाजपात प्रवेश करणार आहेत.

Congress Ashok Chavhan : मोठी बातमी! काँग्रेस नेते अशोक चव्हाण यांचा आमदारकीचा राजीनामा, भाजपसोबत जाण्याची शक्यता

प्रवेशाने भाजपला ताकद मिळाली

यावेळी फडणवीस यांनी, चव्हाण यांच्या प्रवेशाने महायुती भक्कम झाल्याचे त्यांनी म्हटले आहे. त्यांच्या प्रवेशाने भाजपला ताकद मिळाली आहे. देशाचे पंतप्रधान नरेंद्र मोदी यांनी ज्या प्रकारे भारताला विकसित करण्याचं काम सुरू केलंय. यामुळेच देशातील अनेक नेत्यांना आज भाजपमध्ये यावसं वाटतंय असे म्हटले आहे.

यावेळी चव्हाण यांनी, भाजपमध्ये प्रवेश करत आहे. येथे प्रामाणिकपणे काम करेन असे म्हटले आहे. फडणवीस यांच्याबाबत बोलताना, आमचे सत्तेत आणि विरोधी बाकावर असताना राजकारणापलीकडे सबंध होते. फक्त राज्याच्या विकासाची काम करायचे आहे. यासाठीच आम्ही एकमेकांना साथ दिली आहे. तर गेल्या ३८ वर्षांच्या राजकीय कारकिर्दीनंतर आज मी नवी सुरूवात करत असल्याचेही चव्हाण म्हणाले. तर राज्यात भाजपला अधिक जागा कशा मिळतील यासाठी काम करू, असे अश्वासन त्यांनी दिले आहे.

तसेच त्यांनी या प्रवेशावरून आपले कोणावरही दोषारोप नाही. कोणावर रोष नाही. तर योग्य वेळी याबाबत भाष्य करू असे म्हणत हा आपला वैयक्तित निर्णय असल्याचे त्यांनी म्हटले आहे. तर पक्ष जो आदेश देतील तो मान्य असेल. त्याप्रमाणे मी काम करणार असल्याचे त्यांनी म्हटले आहे.

काँग्रेसला सोडणारे अशोक चव्हाण आज भाजपमध्ये प्रवेश करणार आहेत. अशोक चव्हाण हे पाचवेळा आमदार आणि दोनवेळा खासदार होते. तर राज्याचे दोन वेळा मुख्यमंत्री पद देखील त्यांनी भूषवले आहे. काँग्रेसच्या देशपातळीवरील वर्किंग कमिटीचे सद्यस्य होते. याचबरोबर त्यांचा राजकीय प्रवासाचा हा आढावा.....

Leaders Who Quit Congress : मिलिंद देवराच नाही 'याही' बड्या नेत्यांनी काँग्रेसला राम राम ठोकला!