Nanded News : राष्ट्रीय बँकांनी पीककर्ज वसुलीच्या नावाखाली शेतकऱ्यांचे बचत खाते होल्ड केले आहे. पेरणीच्या तोंडावर शेतकरी बी-बियाणे व खते घेण्यासाठी आर्थिक अडचणीत असताना बँकेकडून शेतकऱ्यांना नाहक त्रास सहन करावा लागत आहे. त्यामुळे बचत खात्याला लावलेले होल्ड तत्काळ काढावेत, अशी मागणी राष्ट्रवादी कॉंग्रेसचे (शरदचंद्र पवार पक्ष) नायगाव तालुकाध्यक्ष पांडुरंग शिंदे मांजरमकर यांनी केली.
नायगाव येथील भारतीय स्टेट बँकेचे व्यवस्थापक इंगळे यांना निवेदन देण्यात आले. खरीप हंगाम सुरू झालेला आहे. शेतकऱ्यांना त्यांच्या बचत खात्यात असलेले पैसे काढण्याचा अधिकार आहे. पण बचत खात्यावर होल्ड लावण्यात आले आहे.
होल्ड असल्याने निराधार योजना, पंतप्रधान शेतकरी सन्मान योजना, तसेच शेतीमाल विक्री करून शेतकऱ्यांच्या खात्यात जमा झालेले पैसे, रोजगार हमी योजनेचे पैसे काढता येत नाहीत. तालुक्यात अनेक शेतकऱ्यांनी पीककर्ज घेतले आहे.
मात्र, बचत खात्याला होल्ड लावून कर्ज वसुलीची सक्ती करणे अन्यायकारक आहे. तरी खात्यावरील होल्ड काढण्याची मागणी तत्काळ मान्य करावी अन्यथा राष्ट्रवादी काँग्रेसच्या वतीने बँकेच्या विरोधात तीव्र आंदोलन करण्यात येईल, असा इशारा देण्यात आला. या वेळी उत्तम मोरे, शेख अजीम, आनंदा आकले, परमेश्वर वनशेट्टी आदी शेतकरी उपस्थित होते.
पंतप्रधान नरेंद्र मोदी यांच्या कार्यकाळाला अकरा वर्षे पूर्ण होत आहेत. देशातील शेतकरी कर्जबाजारीपणामुळे कंगाल झालेला आहे. केद्राच्या धोरणामुळे हे झाले आहे. त्यामुळे मुख्यमंत्री देवेंद्र फडणवीस यांनी कर्जमाफीची घोषणा केली होती. तो शब्द त्यांनी पाळावा आणि आर्थिक अडचणीतून शेतकऱ्यांना बाहेर काढावे, अशी मागणी करण्यात आली आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.