Pune News : कान्हूर मेसाईसह तालुक्याच्या पश्चिम भागातील पाबळ, चिंचोली मोराची, शास्ताबाद, खैरेनगर, लाखेवाडी परिसरातील विहिरी कोरड्या पडू लागल्याने पाणीटंचाई जाणवू लागली आहे.
त्यातच जनावरांच्या चाऱ्याचा प्रश्न गंभीर झाला असल्याने या भागात शासनाने तत्काळ चारा छावणी सुरू करण्याची मागणी ग्रामस्थांकडून केली जात आहे. शिरूर तालुक्याच्या पश्चिम भागात मार्च महिन्याच्या प्रारंभीच दुष्काळसदृश परिस्थिती निर्माण होऊ लागली आहे.
या वर्षी झालेल्या कमी पावसामुळे परिसरात विहिरींसह विंधन विहिरीमध्ये अत्यल्प पाणीसाठा राहिला असून अनेक लहान मोठे बंधारे कोरडे पडले़ आहेत.
मात्र पाणीसाठा कमी झाल्याने नागरिकांसह जनावरांच्या पिण्याच्या पाण्याची मोठी समस्या निर्माण झाली आहे. तर शेतातील चारा पिके पाण्याअभावी जळू लागली असल्याने जनावरांच्या चाऱ्याची समस्या जाणवू लागली आहे.
त्यामुळे पावसाळ्यापर्यंत जनावरे जगवायची तरी कशी, असा प्रश्न पशुपालक शेतकऱ्यांना पडला असल्याने या भागात जनावरांच्या चाऱ्यासाठी चारा छावणी सुरू करण्याची मागणी ग्रामस्थ व नागरिक करत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.