Flower Rate : गणेशोत्सवामुळे फुलांना वाढणार मागणी

Alephata News : आळेफाटा परिसरात झेंडू, अॅस्टर, मोगरा, शेवंती, गुलाब फुलांची मोठ्या प्रमाणात लागवडी झालेल्या आहेत. विशेष करून झेंडूची लागवड या वर्षी मोठ्या प्रमाणात झालेली आहे.

काही दिवसांवर येऊन ठेपलेल्या गणेशोत्सवामुळे येथील फुलांची मागणी वाढणार आहे. त्या अनुशंगाने बाजारभावतही वाढ होईल, अशी अपेक्षा फूल उत्पादकांनी व्यक्त केली आहे.

झेंडूचे पीक घेताना एका एकरसाठी सुमारे सत्तर ते ऐशी हजार रुपये खर्च येतो. श्रावण महिन्यात फुलांचे बाजारभाव उतरलेले होते. परंतु गणेशोत्सव जवळ आल्याने फुलांना चांगली मागणी होऊ वाढली आहे, अशी माहिती एका शेतकऱ्याने दिली.

दरम्यान, शेतकऱ्यांच्या शेतातील फुलांचे मळ्यात फुले चांगली आलेली असून, सध्या या फुलांची तोडणी सुरू आहे.

गणपती उत्सवात फुलांना चांगला बाजारभाव मिळत आहे. प्रतिकिलोला पन्नास रुपये मिळत असून, पुढील दोन दिवसांत अजून बाजारभाव वाढतील, अशी माहिती फूलविक्रेता अक्षय घोलप यांनी दिली.