Advance Crop Insurance : पीकविमा अग्रिमपोटी ३५ कोटी शेतकऱ्यांच्या खात्यात

Nagpur News : जिल्हा प्रशासनाच्या दबावानंतर विमा कंपनीने नमते घेत शेतकऱ्यांच्या खात्यात २५ टक्‍के अग्रिम जमा करण्यास सुरुवात केली आहे. त्यानुसार आतापर्यंत ५१ हजार ९५५ शेतकऱ्यांच्या खात्यात ३५ कोटी एक लाख रुपये जमा करण्यात आल्याची माहिती जिल्हा अधीक्षक रवींद्र मनोहरे यांनी दिली.

नागपूर जिल्ह्यात अतिवृष्टी, संततधार पाऊस या कारणांमुळे सोयाबीनचे मोठे नुकसाने झाले होते. त्या पार्श्‍वभूमीवर मिड सिझनअंतर्गंत २५ टक्‍के अग्रिम शेतकऱ्यांच्या खात्यात जमा करण्याच्या सूचना विमा कंपनीला देण्यात आल्या होत्या.

त्यानुसार कंपनीकडून सर्व्हेक्षण, पंचनामे करून मिड सिझन अंतर्गंत ६३ हजार ७७५ शेतकऱ्यांना पात्र ठरविले. या शेतकऱ्यांकरिता ५२ कोटी ४९ लाख रुपयांचा निधी मंजूर करण्यात आला आहे. यातील ५१ हजार ९९५ शेतकऱ्यांना २५ टक्‍के अग्रिम भरपाईची रक्‍कम जमाकरण्यात आली असून एकूण परतावा आजपर्यंत ३५ कोटी १ लाख रुपयांचा झाला आहे.