Amaravati News : जिल्ह्यातील सात तालुक्यांतील ४१ महसूल मंडलांत सरासरी उत्पादनाच्या तुलनेत ५० टक्क्यांपेक्षा अधिक घट अपेक्षित करण्यात आली आहे. त्यामुळे या महसूल मंडलातील नुकसानग्रस्त शेतकऱ्यांना विमा परताव्याचा २५ टक्के अग्रीम देण्याची अधिसूचना जिल्हाधिकाऱ्यांनी काढली आहे.
महिन्याभरात या शेतकऱ्यांना अग्रीम देण्यास विमा कंपनीस आदेश देण्यात आले आहेत. ऑगस्ट महिन्यात पावसाने खंड दिल्याने दुष्काळाचा पहिला ट्रिगर लागू करण्यात आला आहे. जिल्ह्यातील चौदाही तालुक्यांत संयुक्त समितीकडून सोयाबीन पिकाचे सर्वेक्षण करण्यात आले.
त्यामध्ये दर्यापूर, अंजनगावसुर्जी, भातकुली, धामणगावरेल्वे, चिखलदरा, चांदूररेल्वे व धारणी या तालुक्यांतील ४१ महसूल मंडलांत हंगामातील प्रतिकूल परिस्थितीमुळे नुकसान झाल्याचे व सरासरी उत्पादनात गत सात वर्षांच्या सरासरी उत्पादनाच्या ५० टक्क्यांपेक्षा कमी असल्याचे निदर्शनास आले आहे.
संयुक्त समितीचा अहवाल आल्यानंतर जिल्हाधिकाऱ्यांनी सोयाबीन पिकासाठी संभाव्य नुकसान भरपाई रकमेच्या २५ टक्के अग्रीम विमाधारक शेतकऱ्यांना देण्याचे आदेश काढले आहेत.
तालुकानिहाय महसूल मंडळ
दर्यापूर : येवदा, वडनेरगंगाई, रामतीर्थ, दर्यापूर, सामदा, थिलोरी, खल्लार, दारापूर
अंजनगावसुर्जी : अंजनगाव, सातेगाव, भंडारज, विहीगाव, कापूसतळणी, कोकर्डा
भातकुली : आष्टी, खोलापूर, पूर्णानगर, भातकुली, निंभा, आसरा
धामणगावरेल्वे : धामणगावरेल्वे, अंजनसिंगी, तळेगाव दशासर, दत्तापूर, मंगरूळ दस्तगीर, चिंचोली, भातकुली
चिखलदरा : टेंभ्रुसोंडा, चुरणी, गौलखेडा बाजार, हतरू
चांदूररेल्वे : चांदूररेल्वे, आमला विश्वेश्वर, घुईखेड, पळसखेड, सातेफळ
धारणी : धारणी, सावलीखेडा, धूळघाट
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.