Latur News : एपीएल कार्डधारकांना मिळणारा स्वस्त धान्य पुरवठा मागील वर्षभरापासून शासनाकडून अचानक बंद करण्यात आला आहे. या बदल्यात संबंधित लाभार्थ्यांना प्रति सदस्य महिना १५० रुपये अनुदान देण्याच्या अटीवर हे धान्य वाटप बंद करण्यात आले होते. परंतु अद्यापही यांपैकी बहुतांश कार्डधारकांना एक रुपयाचेही अनुदान मिळाले नसल्याचे समोर आले आहे.
परिणामी या योजनेतील लाभार्थ्यांना धान्य ही नाही अन् अनुदानही नाही अशी अस्वस्थता झाली आहे. त्यामुळे शासनाने प्रलंबित सर्व अनुदान वर्ग करावे आणि प्रत्येक महिन्याला नियमित अनुदान खात्यावर जमा करावे अशी मागणी या कार्ड धारकांकडून केली जात आहे.
मराठवाडा-विदर्भातील छत्रपती संभाजीनगर, जालना, नांदेड, बीड, धाराशिव, परभणी, लातूर, हिंगोली, अमरावती, वाशिम, अकोला, बुलडाणा, यवतमाळ आणि वर्धा या शेतकरी आत्महत्याग्रस्त १४ जिल्ह्यांतील दारिद्र्यरेषेखालील शेतकऱ्यांसाठी अल्पदरात गहू, तांदूळ असा शिधा दिला जात होता.
परंतु एक वर्षापूर्वी नाममात्र दराने देण्यात येणारा शिधा बंद करण्याचा निर्णय राज्य सरकारने घेतला आणि त्याऐवजी दरमहा प्रति लाभार्थी १५० रुपये संबंधितांच्या खात्यावर जमा करणार आहेत. या धान्याऐवजी कार्डधारकांना प्रतिमहा प्रति सदस्य देण्यात येणाऱ्या १५० रुपये अनुदानापैकी एकही रुपया मिळाला नसल्याचे शेतकऱ्यांनी सांगितले.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.