E- NAM Platform : ई-नामवर १० शेतमालाचा करण्यात आला समावेश; केंद्रीय कृषी मंत्रालयाचा निर्णय

Agricultural Commodities : केंद्रीय कृषी मंत्रालयाने १० शेतमालाचा ई-नांमवर समावेश करण्याचा निर्णय घेतला आहे. त्यामुळे आता ई-नामवर एकूण २३१ शेतमालाची खरेदी विक्री करता येणार आहे. नव्याने समावेश करण्यात आलेल्या १० शेतमालामध्ये तुळशीचे पान, हरभरा पीठ, गव्हाचे पीठ, भाजलेले हरभरा पीठ, ओला तांबूस पिंगट पीठ, हिंग, वाळलेली मेथीची पाने, बेबी कॉर्न, ड्रॅगन फळ आणि ओला तांबूस पिंगट या शेतमालाचा समावेश करण्यात आल्याचं मंत्रालयाने प्रसिद्ध केलेल्या पत्रकात सांगण्यात आलं आहे.

भागीदारांसह राज्याचे एजन्सी, व्यापारी, तज्ञ आणि छोट्या शेतकऱ्यांशी चर्चा करून हा निर्णय घेण्यात आल्याचं मंत्रालयाने सांगितलं आहे. यामधील भाजलेले हरभरा पीठ, वाळलेली मेथी पाने, तांबूस पिंगट आणि हिंग या शेतमालाची गणना दुय्यम व्यापार वर्गात केली जाते. त्यामुळे या शेतमालाचे मूल्यवर्धन करून शेतकरी उत्पादक कंपन्या फायदा होऊ शकतो, असा दावा पत्रकात करण्यात आला आहे.

देशभरात २०१६ मध्ये ई-नाम या इलेक्ट्रॉनिक व्यापारी पोर्टलची सुरुवात करण्यात आली. यामध्ये देशातील बाजार समितीना जोडण्यात आले. त्यातून राष्ट्रीय पातळीवर शेतमालाचे एक व्यवस्था निर्माण करण्यात आले.

ई-नाममध्ये समाविष्ट करण्यात आलेल्या या शेतमालाची गुणवत्तेचे निकष पणन आणि तपासणी संचानालयाकडून ठरवण्यात आले आहे. त्यामुळे शेतकऱ्यांना चांगला दर मिळून फायदा होईल, असा दावा मंत्रालयाचा आहे. तसेच डिजिटल प्लॅटफॉर्मवर या शेतमालाचा समावेश करण्यामागे शेतकऱ्यांना आर्थिक फायदा व्हावा आणि त्यातून व्यवहारात पारदर्शकता यावी हाच आहे, असंही मंत्रालयाने सांगितलं आहे.

दरम्यान, केंद्र सरकारच्या या निर्णयाचा शेतकऱ्यांना फायदा होईल. या शेतमालासोबतच इतरही शेतमालाचा यामध्ये समावेश करण्यात यावा, अशी मागणी शेतकरी करत आहेत.