Buldana News : जिल्ह्यासाठी मंजूर करण्यात आलेल्या १ लाख २० हजार घरकुलांच्या उद्दिष्टांची पूर्तता करण्यासाठी कामांना गती द्या, असे स्पष्ट निर्देश ग्रामविकास व पंचायतराज विभागाचे प्रधान सचिव एकनाथ डवले यांनी येथे दिले.
जिल्हा परिषदेच्या सभागृहात झालेल्या आढावा बैठकीत ते बोलत होते. बैठकीत पंतप्रधान आवास योजना (ग्रामीण टप्पा १ व २) तसेच राज्य शासनाच्या विविध आवास योजनांची अंमलबजावणी व सद्यःस्थितीचा सविस्तर आढावा घेण्यात आला. या वेळी मुख्य कार्यकारी अधिकारी गुलाब खरात, उपमुख्य कार्यकारी अधिकारी बी. एम. मोहन, संजय इंगळे व गटविकास अधिकारी उपस्थित होते.
प्रधान सचिव श्री. डवले यांनी अपूर्ण घरकुलांचे काम तत्काळ पूर्ण करण्याचे आणि लाभार्थ्यांकडून आवश्यक प्रक्रिया पूर्ण करून घरकुलांचे उद्दिष्ट गाठण्याचे निर्देश दिले. केंद्र व राज्य शासनाने जिल्ह्यासाठी मोठ्या प्रमाणात घरकुल मंजूर केले आहे.
त्यामुळे पात्र लाभार्थ्यांकडून आवश्यक ती कारवाई पूर्ण करुन घरकुलाचे उद्दिष्ट पूर्ण करावे. आवास योजनांसाठी जमिनींच्या समस्या सोडविण्यासाठी मुख्य कार्यकारी अधिकारी यांनी विशेष लक्ष घालावे.
केंद्र व राज्य शासनाच्या आवास योजना वेळेत व पारदर्शक पद्धतीने नागरिकांपर्यंत पोहोचल्या पाहिजेत. गुणवत्ता आणि उत्तरदायित्व हाच जिल्हा परिषदेच्या कामकाजाचा पाया असायला हवा, असेही त्यांनी सांगितले.
रमाई आवास योजना, शबरी आवास योजना, पारधी आवास योजना, अहिल्यादेवी आवास, यशवंतराव चव्हाण मुक्त वसाहत योजना आणि मोदी आवास योजनांचाही आढावा घेऊन प्रलंबित कामे त्वरित मार्गी लावण्याचे आदेश त्यांनी दिले. तसेच, जमिनीच्या अडचणी दूर करण्यासाठी विशेष प्रयत्न करण्याचे निर्देशही मुख्य कार्यकारी अधिकाऱ्यांना दिले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.