Solapur News : पंतप्रधान आवास घरकुल योजना टप्पा क्रमांक दोनमध्ये तालुक्यात पाच हजार १५५ घरकुल लाभार्थींना पहिल्या हप्त्यापोटी सात कोटी ७३ लाख २५ हजार रुपयांचे अनुदान बँक खात्यावर वर्ग करण्यात आले.
पंचायत समितीचे माजी सभापती प्रदीप खांडेकर यांच्या पुढाकाराने प्रधानमंत्री आवास घरकुल योजनेतील ‘ड’ यादीत तालुक्यातील गावनिहाय आढावा घेऊन १० हजार ८९४ लाभार्थी निवड करण्याचे काम त्यांच्या कार्यकाळात झाले. यापूर्वी ७८९ इतक्या घरकुलाचे काम पूर्ण करण्यात आले.
केंद्राने राज्याला २० लाख घरकुलांचे उद्दिष्ट दिल्याने प्रशासनाची वेळेत पहिला हप्ता देण्यासाठी तारांबळ उडाली, तरीही अनुदान वितरणात जिल्ह्यात मंगळवेढा तिसऱ्या क्रमांकावर राहिला.
सध्या तालुक्यामध्ये पाच हजार १५५ घरकुल लाभार्थींना नव्याने मंजुरी देण्यात आल्यामुळे लाभार्थींना पावसाळ्यापूर्वी हक्काचा निवारा उपलब्ध होणार आहे. घरकुल अनुदानाबरोबर रोजगार हमी योजनेतून २६ हजार व स्वच्छ भारत मिशनचे १२ हजारांचे अनुदानही यामध्ये दिले जाणार आहे.
तालुक्याला सर्वाधिक उद्दिष्ट प्राप्त झाल्याने लाभार्थींना वेळेत अनुदानाचा पहिला हप्ता जमा करण्यासाठी लाभार्थींची ऑनलाइन माहिती भरण्यासाठी पंचायत समितीचे घरकुल विभागातील विस्तार अधिकारी श्रीनिवास शेरला, सचिन येडसे, युवराज सूर्यवंशी, अनिल गरंडे, विशाल जगताप, विनायक डांगे, शिवाजी हेंबाडे यांनी सहकार्य केले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.