Solapur News : सध्या विविध पक्ष्यांचा विणीचा (प्रजननाचा) हंगाम सुरू असून, निसर्गप्रेमींसाठी ही पर्वणीच ठरली आहे. शेतीसाठी उपयुक्त पक्ष्यांचा वावर वाढल्यामुळे शेतकरी पर्यावरणपूरक शेतीला प्रोत्साहन देत असल्याचे द्योतक आहे.
गांधारी खाटीक, टिटवी आणि बुलबुल यांसारख्या पक्ष्यांची अंडी आणि घरटी अनेक ठिकाणी सहज दिसून येत आहेत. काही ठिकाणी चक्क पिलेही घरट्यात चिवचिवत आहेत. सौंदर्य आणि नवजीवनाची साक्ष देणारा अमूल्य ठेवा अनेक ठिकाणी दिसून येत आहे.
रोपळे (ता. पंढरपूर) परिसरातील शेतशिवारात फेरफटका मारला असता या पक्ष्यांकडून खूप काही शिकायला मिळाले. खरेतर शेतातील पिकावरील थ्रिप्स, मावा, तुडतुडे, कीटक व अळ्यांचा हे पक्षी फडशा पाडत आहेत.
ही वेळ निसर्गाच्या सजीव चक्राशी जोडणारी भासली. कुठे एखाद्या जांभळीच्या झुडपात बुलबुल आपल्या अंड्यांना अलगद ऊब देत आहे, तर कुठे टिटवी मोकळ्या माळरानावर, धोका असूनही, आपल्या घरट्याच्या रक्षणासाठी संघर्ष करत आहे. आणि त्या शांत आंब्याच्या झाडावर गांधारी खाटीकने काटकसरीने तयार केलेल्या घरट्यात पिलांना नवजीवनाची चाहूल लागली आहे.
पक्ष्यांनी शिकविले ....
बुलबुलचे प्रेम : आईपणाची ऊब, न बोलता मिळणारी काळजी.
टिटवीचे धैर्य : संकटे असली तरी जबाबदारी टाळायची नाही.
गांधारी खाटीकची दूरदृष्टी : अचूक नियोजन आणि सातत्याची ताकद.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.